റിലഗേഷൻ പോരാട്ടത്തിൽ നിർണായക ജയവുമായി ബേൺലിയും സൗത്താംപ്ടനും

വമ്പന്മാരെ ഞെട്ടിക്കുന്ന വോൾവ്സിന്റെ കളി പക്ഷെ ബേൺലിയിൽ വിലപോയില്ല. റിലഗേഷൻ പോരാട്ടത്തിൽ നിർണായകമായ മത്സരത്തിൽ ബേൺലി എതിരില്ലാത്ത 2 ഗോളുകളാണ് വോൾവ്സിന്റെ കഥ കഴിച്ചത്. ജയതോടെ 33 പോയിന്റുള്ള അവർ റിലഗേഷൻ ഭീഷണിക്ക് 5 പോയിന്റ് മുകളിലാണ്.

ഇന്ന് നടന്ന മറ്റൊരു മത്സരത്തിൽ സൗത്താംപ്ടൻ ഒരു ഗോളിന് ബ്രായട്ടനെ മറികടന്നു. അവരും ഇതോടെ 33 പോയിന്റുമായി 16 ആം സ്ഥാനത്തേക്ക് ഉയർന്നു.

കോണർ കോടിയുടെ ആദ്യ പകുതിയിലെ സെൽഫ് ഗോളും, മക് നീൽ നേടിയ രണ്ടാം പകുതിയിലെ ഗോളുമാണ് ബേൺലിക്ക് ജയം ഒരുക്കിയത്.
ഹോബർഗ് ആണ് ബ്രയ്ട്ടനെതിരെ സൗത്താംപ്ടൻറെ ഏക ഗോൾ നേടിയത്.