ഓരോ മൂന്നോവറിലും വിക്കറ്റ് വീണാല് ടീം ജയിക്കില്ല, ചെന്നൈയുടെ ബാറ്റിംഗ് യൂണിറ്റ് പരാജയം
ചെന്നൈ സൂപ്പര് കിംഗ്സിന്റെ താത്കാലിക നായകന് സുരേഷ് റെയ്ന തന്റെ ടീമിന്റെ നിരുത്തരവാദിത്വപരമായ ബാറ്റിംഗാണ് തോല്വിയ്ക്ക് കാരണമെന്ന് വ്യക്തമാക്കി. ഇന്നലെ മത്സരം ശേഷം പ്രതികരിക്കവേയാണ് താരം ഇപ്രകാരം അഭിപ്രായ പ്രകടിപ്പിച്ചത്. ടൂര്ണ്ണമെന്റിലുടനീളം മികച്ച ബൗളിംഗ് പ്രകടനമാണ് ടീം കാഴ്ച വെച്ചിട്ടുള്ളത്, എന്നാല് ബാറ്റിംഗില് അത് പറയുവാന് സാധിക്കുകയില്ല. ബാറ്റിംഗ് യൂണിറ്റ് പലപ്പോഴും ഉത്തരവാദിത്വം നിറവേറ്റുന്നില്ലെന്ന് റെയ്ന വ്യക്തമാക്കി.
പവര്പ്ലേയില് തന്നെ വളരെയേറെ വിക്കറ്റുകളാണ് ചെന്നൈയ്ക്ക് നഷ്ടമായത്. മധ്യ ഓവറുകളിലും സ്ഥിതി സമാനമായിരുന്നുവെന്ന് റെയ്ന വ്യക്തമാക്കി. ചെന്നൈ ഈ സീസണില് ബാറ്റിംഗ് യൂണിറ്റെന്ന നിലയില് പരാജയമാണെന്നും റെയ്ന വ്യക്തമാക്കി.