“ഇത്തവണ ബെൽജിയം കിരീടം നേടിയില്ല എങ്കിൽ അത് ഒരിക്കലും തീരാത്ത ദുഖമാകും”

ഇത്തവണ ബെൽജിയം കിരീടം നേടിയില്ല എങ്കിൽ അത് ബെൽജിയത്തിന് ഒരിക്കലും തീരാത്ത ദുഖമാകുമെന്ന് ബെൽജിയൻ ഡിഫൻഡർ തോമസ് വെർമാലെൻ പറഞ്ഞു. “സെമിയിൽ ഫ്രാൻസിനെ കീഴടക്കാൻ കഴിയുമെന്നും ഫൈനലിൽ എത്തി കപ്പുയർത്താൻ കഴിയുമെന്നുമാണ് വിശ്വസിക്കുന്നത്. അതിന് സാധിച്ചില്ല എ‌ങ്കിൽ അത് ഒരിക്കലും തീരാത്ത ദുഖമാകും”.

” കാരണം ഈ ലോകകപ്പിലെ ഫേവറിറ്റുകളിൽ ഒന്നിനെ പരാജയപ്പെടുത്തിയാണ് ഞങ്ങൾ സെമിയിൽ എത്തിയത്. ഇതിലും മികച്ച അവസരം ബെൽജിയത്തിന് ലഭിച്ചേക്കില്ല. അതുകൊണ്ട് കിരീടം ഉയർത്താൻ കഴിയുമെന്ന് തന്നെ ഞങ്ങൾ വിശ്വസിക്കണം” താരം പറഞ്ഞു. ബ്രസീലിനെക്കാൾ കഷ്ടമാകും ഫ്രാൻസിനെതിരായ മത്സരമെന്നും വെർമാലെൻ പറഞ്ഞു.

മികച്ച താരങ്ങൾ ഒരുപാട് ഫ്രാൻസിന് ഉണ്ടെന്നും ഒപ്പം അവരുടെ ഡിഫൻസ് ശക്തമാണെന്നും വെർമലൻ ഓർമ്മിപ്പിച്ചു.

കൂടുതൽ കായിക വാർത്തകൾക്ക് : www.facebook.com/FanportOfficial