സെമി ഫൈനൽ നിയന്ത്രിക്കുക ഇവർ

ഇന്നും നാളെയുമായി നടക്കുന്ന ലോകകപ്പ് സെമി ഫൈനലുകൾ നിയന്ത്രിക്കുന്ന റഫറിമാരെ തീരുമാനമായി. ഇന്ന് ഫ്രാൻസും ബെൽജിയവും തമ്മിൽ നടക്കുന്ന ആദ്യ സെമി നിയന്ത്രിക്കുക ഉറുഗ്വേ റഫറി ആയ ആൻഡ്രേസ് കുൻഹ ആയിരിക്കും. ഇദ്ദേഹം ഇതിനകം തന്നെ ഈ ലോകകപ്പിൽ രണ്ട് ഗ്രൂപ്പ് ഘട്ട മത്സരങ്ങൾ നിയന്ത്രിച്ചിട്ടുണ്ട്. ഫ്രാൻസിന്റെ ഓസ്ട്രേലിയക്കെതിരായ മത്സരവും, സ്പെയിൻ ഇറാൻ മത്സരവുമാണ് ഇദ്ദേഹം നിയന്ത്രിച്ചത്.

ഇംഗ്ലണ്ടും ക്രൊയേഷ്യയുമായുള്ള മത്സരം നിയന്ത്രിക്കുക തുർക്കിഷ് റഫറി കൂനറ്റ് കാകിർ ആയിരിക്കും. ഇതിനു മുമ്പ് ഈ ലോകകപ്പിൽ മൊറോക്കോ ഇറാൻ മത്സരവും, നൈജീരിയ അർജന്റീന മത്സരവും ഈ റഫറി ആയിരുന്നു നിയന്ത്രിച്ചത്. കഴിഞ്ഞ ലോകകപ്പിലെ അർജന്റീന-ഹോളണ്ട് സെമിയും ഇദ്ദേഹമായിരുന്നു നിയന്ത്രിച്ചത്.

കൂടുതൽ കായിക വാർത്തകൾക്ക് : www.facebook.com/FanportOfficial