ലോകകപ്പ് പ്രവചനവുമായി ജിങ്കൻ

റഷ്യൻ ലോകകപ്പിനെ കുറിച്ച് തന്റെ പ്രവചനം വ്യക്തമായി ജിങ്കൻ. ലോകകപ്പിൽ ഇത്തവണ സെമി ഫൈനലിൽ എത്തുക ആരാണെന്നാണ് ക്വാർട്ടറിന് മുന്നോടിയായി ജിങ്കൻ പ്രവചിച്ചത്. സെമിയിൽ ബ്രസീൽ ഫ്രാൻസിനെയും, ഇംഗ്ലണ്ട് ക്രൊയേഷ്യയെയും നേരിടും എന്നാണ് ജിങ്കൻ പറയുന്നത്.

ഈ ലോകകപ്പിലെ ഏറ്റവും മികച്ച മത്സരം ജപ്പാനും ബെൽജിയവും തമ്മിൽ ഉള്ളതായിരുന്നു എന്നും ജിങ്കൻ പറയുന്നു. അർജന്റീനയ്ക്കെതിരെ ഫ്രാൻസ് റൈറ്റ് ബാക്ക് പവാർഡ് നേടിയ ഗോളാണ് ജിങ്കന്റെ അഭിപ്രായത്തിൽ ഈ ലോകകപ്പിൽ ഇതുവരെ പിറന്ന ഏറ്റവും മികച്ച ഗോൾ. എമ്പാപ്പെ, കൗട്ടീനോ എന്നിവരൊക്കെ മികച്ചു നിക്കുന്നുണ്ടെങ്കിലും താൻ ഉറ്റുനോക്കുന്ന ഗോഡിൻ, തിയാഗോ സിൽവ, വരാനെ തുടങ്ങിയവരുടെ ഡിഫൻസീവ് പ്രകടനത്തെ ആണെന്നും ജിങ്കൻ പറയുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial