ഗ്രൂപ്പ് ഘട്ടത്തിൽ പുറത്തായതിനു പിന്നാലെ ഘാന പരിശീലകൻ സ്ഥാനം ഒഴിഞ്ഞു

ഗ്രൂപ്പ് ഘട്ടത്തിൽ പുറത്ത് പോയതിനു പിന്നാലെ ഘാന പരിശീലകൻ ഓട്ടോ അദ്ദോ ജോലി രാജി വച്ചു. ഗ്രൂപ്പ് ഘട്ടത്തിൽ ദക്ഷിണ കൊറിയയോട് ജയിക്കാൻ ആയെങ്കിലും പോർച്ചുഗൽ, ഉറുഗ്വേ ടീമുകളോട് പരാജയപ്പെട്ടു ഘാന ലോകകപ്പിൽ നിന്നു പുറത്ത് പോവുക ആയിരുന്നു.

നിലവിൽ ബൊറൂസിയ ഡോർട്ട്മുണ്ട് സഹപരിശീലകൻ ആയിരുന്ന അദ്ദേഹം ആ പദവിയിൽ ലോകകപ്പിന് ശേഷം തുടരും. ഒരു ഇടവേള കഴിഞ്ഞു ഘാനയെ ലോകകപ്പിൽ എത്തിക്കാൻ ആയി എന്ന നേട്ടവും ആയി ആണ് അദ്ദേഹം ദേശീയ ടീം പരിശീലക സ്ഥാനം ഒഴിയുന്നത്.