ബ്രസീലിനു ആയി ലോകകപ്പ് കളിക്കുന്ന ഏറ്റവും പ്രായം കൂടിയ താരമായി ഡാനി ആൽവസ്

ബ്രസീലിനു ആയി ലോകകപ്പ് കളിക്കുന്ന ഏറ്റവും പ്രായം കൂടിയ താരമായി മാറി ഡാനി ആൽവസ്. ഇന്നലെ കാമറൂണിന് എതിരെ ബ്രസീൽ ക്യാപ്റ്റൻ ആയി കളത്തിൽ ഇറങ്ങിയാണ് ആൽവസ് ചരിത്രം എഴുതിയത്.

39 വർഷവും 210 ദിവസവും പ്രായമുള്ള ആൽവസ് ഈ ലോകകപ്പിൽ ബ്രസീലിന്റെ രണ്ടാം മത്സരത്തിൽ 38 വർഷവും 67 ദിവസവും പ്രായമുള്ള തിയാഗോ സിൽവ സ്ഥാപിച്ച റെക്കോർഡ് ആണ് മറികടന്നത്. മത്സരത്തിൽ എന്നാൽ ബ്രസീൽ കാമറൂണിനോട് എതിരില്ലാത്ത ഒരു ഗോളിന് പരാജയപ്പെടുക ആയിരുന്നു.