ടി20 ലോകകപ്പ് സെമിയിലെത്തുക ഇന്ത്യയും ഈ രാജ്യങ്ങളും, പ്രവചനവുമായി ഡീന്‍ ജോണ്‍സ്

2020 ടി20 ലോകകപ്പ് മാറ്റി വയ്ക്കുമോ ഇല്ലയോ എന്ന ചര്‍ച്ചകള്‍ നടക്കുമ്പോള്‍ തന്നെ ഈ ടൂര്‍ണ്ണമെന്റിലെ സെമി സ്ഥാനങ്ങള്‍ സ്വന്തമാക്കുന്ന ടീമുകളെക്കുറിച്ചുള്ള പ്രവചനവുമായി ഡീന്‍ ജോണ്‍സ്. ഒക്ടോബറില്‍ നടക്കാനിരിക്കുന്ന ടൂര്‍ണ്ണമെന്റിന്റെ സെമിയില്‍ ഇന്ത്യ, ഓസ്ട്രേലിയ, ഇംഗ്ലണ്ട് എന്നിവര്‍ക്കൊപ്പം പാക്കിസ്ഥാനോ വിന്‍ഡീസോ ആവും സെമിയില്‍ എത്തുക എന്ന് ഡീന്‍ ജോണ്‍സ് പറഞ്ഞു.

ബൗളര്‍മാരായിരിക്കും ടൂര്‍ണ്ണമെന്റിലെ ടീമുകളുടെ സാധ്യതകളെ നിശ്ചയിക്കുക എന്നും ഡീന്‍ ജോണ്‍സ് വ്യക്താക്കി. പാക്കിസ്ഥാനാണോ വിന്‍ഡീസ് ആണോ നാലാമത്തെ ടീമെന്നത് ബൗളര്‍മാര്‍ നിശ്ചയിക്കുമെന്നും മുന്‍ ഓസ്ട്രേലിയന്‍ താരം വ്യക്തമാക്കി.

ട്വിറ്ററില്‍ ഒരാളുടെ ചോദ്യത്തിന് മറുപടിയായാണ് ഡീന്‍ ജോണ്‍സ് തന്റെ പ്രവചനം പുറത്ത് വിട്ടത്.