ഫെബിന്‍ ആല്‍ബര്‍ട്ടിന് 5 വിക്കറ്റ്, രഞ്ജി സിസിയെ 86 റൺസിന് പുറത്താക്കി 7 വിക്കറ്റ് വിജയം നേടി മുത്തൂറ്റ് ഇസിസി

Sports Correspondent

Download the Fanport app now!
Appstore Badge
Google Play Badge 1

സെലെസ്റ്റിയൽ ട്രോഫിയുടെ ചാമ്പ്യന്‍ഷിപ്പ് റൗണ്ടിൽ ഇന്ന് നടന്ന രണ്ടാം മത്സരത്തിൽ ഏഴ് വിക്കറ്റ് വിജയവുമായി മുത്തൂറ്റ് ഇസിസി. ആദ്യം ബാറ്റ് ചെയ്ത രഞ്ജി സിസിയെ 86 റൺസിന് എറിഞ്ഞിട്ട മുത്തൂറ്റ് 11.3 ഓവറിൽ 3 വിക്കറ്റ് നഷ്ടത്തിൽ 90 റൺസ് നേടി വിജയം ഉറപ്പാക്കി.

ഓപ്പണര്‍മാരായ അഭിഷേക് പ്രതാപും(24) അതുൽജിത്തും(20) ഒന്നാം വിക്കറ്റിൽ 36 റൺസ് നേടിയെങ്കിലും പിന്നീട് ആര്‍ക്കും ക്രീസില്‍ നിലയുറപ്പിക്കുവാന്‍ സാധിക്കാതെ പോയപ്പോള്‍ മുത്തൂറ്റ് ഇസിസിയ്ക്ക് വേണ്ടി ഫെബിന്‍ ആല്‍ബര്‍ട്ട് അഞ്ചും പിഎസ് ജെറിന്‍ 3 വിക്കറ്റും നേടി.

അനുജ് ജോടിന്‍ 45 റൺസും അനന്ദു സുനിൽ 21 റൺസും നേടി പുറത്താകാതെ നിന്നപ്പോള്‍ 11.3 ഓവറിൽ മുത്തൂറ്റ് ഇസിസി വിജയം ഉറപ്പാക്കി.