സെലസ്റ്റിയൽ ട്രോഫി : മാസ്റ്റേഴ്സ് സി സി ഫൈനലിൽ.

​മംഗലാപുരം കെ.സി.എ ഗ്രൗണ്ടിൽ നടന്ന ആവേശകരമായ പോരാട്ടത്തിൽ 4 വിക്കറ്റുകൾക്കാണ് മാസ്റ്റേഴ്സ് സി സി വിജയം കൈപ്പിടിയിലാക്കിയത്. ടോസ് നേടി ഫീൽഡിംഗ് തിരഞ്ഞെടുത്ത മാസ്റ്റേഴ്സിന്റെ തീരുമാനം ശരിവെക്കുന്ന പ്രകടനമാണ് ബൗളർമാർ കാഴ്ചവെച്ചത്.

​സ്കോർ :
​മുത്തൂറ്റ് മൈക്രോഫിൻ സി സി: 39.3 ഓവറിൽ 223 റൺസിന് എല്ലാവരും പുറത്തായി. മുത്തൂറ്റിനായി ആനന്ദ് കൃഷ്ണൻ (68), അനുജ് ജോട്ടിൻ (52) എന്നിവർ മികച്ച പ്രകടനം നടത്തിയെങ്കിലും മാസ്റ്റേഴ്സിന്റെ ആദിത്യ വിനോദിന്റെ (4 വിക്കറ്റ്) തകർപ്പൻ ബൗളിംഗ് സ്കോർ നിയന്ത്രിച്ചു.

​മാസ്റ്റേഴ്സ് സി സി: 34.3 ഓവറിൽ 6 വിക്കറ്റ് നഷ്ടത്തിൽ 227 റൺസ് എടുത്ത് ലക്ഷ്യം മറികടന്നു. പുറത്താകാതെ 77 റൺസ് നേടിയ ഷോൺ റോജറുടെ ഉജ്ജ്വല ഇന്നിംഗ്സാണ് മാസ്റ്റേഴ്സിന് വിജയം എളുപ്പമാക്കിയത്. കൃഷ്ണ പ്രസാദ് (35), രോഹൻ എസ് കുന്നുമ്മൽ (33) എന്നിവരും ബാറ്റിംഗിൽ തിളങ്ങി.
​മാൻ ഓഫ് ദി മാച്ച്: ഷോൺ റോജർ (മാസ്റ്റേഴ്സ് സി സി)