ഷൂട്ടിംഗിൽ വെള്ളിത്തിളക്കം, 10m എയര് റൈഫിള് ടീം ഇവന്റിൽ വെള്ളി നേടി ഇന്ത്യ
ഐച്ചി-നാഗോയ ഏഷ്യൻ ഗെയിംസ് ഷൂട്ടിംഗ് റേഞ്ചിൽ നിന്ന് ഇന്ത്യയ്ക്ക് വീണ്ടും സന്തോഷവാർത്ത. പുരുഷന്മാരുടെ 10 മീറ്റർ എയർ റൈഫിൾ ടീം ഇനത്തിൽ ഇന്ത്യ വെള്ളി മെഡൽ സ്വന്തമാക്കി. ടൂർണമെന്റിൽ ഷൂട്ടിംഗിൽ നിന്ന് ഇന്ത്യ നേടുന്ന മൂന്നാമത്തെ മെഡലാണിത്.
രുദ്രാങ്ക്ഷ് പാട്ടീൽ, ഹിമാൻഷു ധില്ലൻ, പാർത്ഥ് മാനെ എന്നിവരടങ്ങിയ സഖ്യമാണ് ഇന്ത്യയ്ക്കായി ഈ മിന്നുന്ന നേട്ടം കൈവരിച്ചത്. മികച്ച പോരാട്ടം പുറത്തെടുത്ത മൂവർ സംഘം ആകെ 1890.1 പോയിന്റ് നേടി രണ്ടാമതെത്തി. ഇന്ത്യൻ നിരയിൽ രുദ്രാങ്ക്ഷ് 631.8 പോയിന്റും ഹിമാൻഷു 630.0 പോയിന്റും പാർത്ഥ് 628.3 പോയിന്റും സ്വന്തമാക്കി.