ന്യൂസിലൻഡ് പോയിന്റ് ടേബിളിൽ ഒന്നാമത്, ഇനി കളി ഇന്ത്യയുമായി

ഇന്ന് അഫ്ഘാനിസ്ഥാനെതിരായ ജയത്തോടെ ന്യൂസിലൻഡ്, ക്രിക്കറ്റ് ലോകകപ്പ് പോയിന്റ് പട്ടികയിൽ ഇന്ത്യയെ മറികടന്ന് ഒന്നാം സ്ഥാനത്തേക്ക് എത്തി. ന്യൂസിലൻഡിന് ഇപ്പോൾ നാല് മത്സരങ്ങളിൽ നാല് ജയവും എട്ട് പോയിന്റുമുണ്ട്. അവരുടെ NRR +1.923 ആണ്. മൂന്ന് മത്സരങ്ങളിൽ നിന്ന് ആറ് പോയിന്റുമായി ഇന്ത്യ രണ്ടാം സ്ഥാനത്താണ് (NRR +1.821). ഇനി ന്യൂസിലൻഡിന്റെ അടുത്ത എതിരാളി ഇന്ത്യ ആണ്. ഞായറാഴ്ച ആകും ഈ മത്സരം. അതിനു മുമ്പ് ഇന്ത്യ ബംഗ്ലാദേശിനെ നേരിടും.

ദക്ഷിണാഫ്രിക്ക (4 പോയിന്റ്, 3 മത്സരങ്ങൾ, NRR +1.385) ആണ് മൂന്നാം സ്ഥാനത്ത്, പാകിസ്ഥാൻ (4 പോയിന്റ്, 3 മത്സരങ്ങൾ, NRR -0.137) നാലാം സ്ഥാനത്തും നിൽക്കുന്നു. ആകെ ഒമ്പത് മത്സരങ്ങൾ ആണ് ഒരോ ടീമും കളിക്കുക. ആദ്യ നാലു സ്ഥാനങ്ങളിൽ എത്തുന്നവർ സെമി ഫൈനലിലേക്ക് മുന്നേറും.