ഹര്ഭജന് പറയുന്നത് ശരി, ഇന്ത്യയ്ക്ക് മെച്ചപ്പെട്ട സാധ്യത എന്നാല് പാക്കിസ്ഥാനെ എഴുതി തള്ളരുത്
ഇന്ത്യന് ടീമിനെ പരാജയപ്പെടുത്തുവാനുള്ള ശേഷി പാക്കിസ്ഥാനില്ലെന്ന് പറഞ്ഞ ഹര്ഭജന് സിംഗിന്റെ അഭിപ്രായ യുക്തിസഹജമാണെങ്കിലും പാക്കിസ്ഥാനെ എഴുതി തള്ളുവാനാകില്ലെന്ന് പറഞ്ഞ് മിസ്ബ ഉള് ഹക്ക്. ഇരുവരും പങ്കെടുത്ത ഒരു ചര്ച്ചയിലാണ് ഈ അഭിപ്രായം മുന് പാക്കിസ്ഥാന് നായകന് പറഞ്ഞത്. പാക്കിസ്ഥാനെക്കാള് മികച്ച സാധ്യത ഇന്ത്യയ്ക്കെന്നത് സത്യമാണ് പക്ഷേ പാക്കിസ്ഥാന് അപകടകാരിയായ ടീമാണെന്നത് മറക്കരുതെന്നും ടീമിനെ അനായാസം തോല്പിക്കാമെന്ന് ഇന്ത്യ കരുതിയാല് അത് ഇന്ത്യയ്ക്ക് തന്നെ തിരിച്ചടിയാകുമെന്നും മിസ്ബ ഉള് ഹക്ക് പറഞ്ഞു.
കഴിഞ്ഞ മത്സരത്തില് ബാറ്റിംഗ് തകര്ച്ച ടീം നേരിടുകയായിരുന്നുവെന്ന് എന്നാല് ശക്തമായ തിരിച്ചുവരവ് നടത്തുവാനുള്ള ശേഷിയുള്ള ടീമാണ് പാക്കിസ്ഥാനെന്നും മിസ്ബ പറഞ്ഞു. ഇരു രാജ്യങ്ങളും തമ്മിലുള്ള ക്രിക്കറ്റിംഗ് വൈര്യം കടുത്തതാണെന്ന് പറഞ്ഞ മിസ്ബ 90കളില് പാക്കിസ്ഥാന് അതിശക്തമായ സമയത്തും ലോകകപ്പില് ഇന്ത്യ തന്നെയാണ് വിജയിച്ചിരുന്നതെന്നും ഇപ്പോള് ഇന്ത്യ ശക്തരാകുമ്പോള് പാക്കിസ്ഥാന് ജയിക്കുവാനുള്ള സാധ്യതയും നിലനില്ക്കുന്നുവെന്ന് പറഞ്ഞു.