ജോഫ്രയെ ലോകകപ്പിനു തിരഞ്ഞടുക്കണം
ഇംഗ്ലണ്ടിനു വേണ്ടി കഴിഞ്ഞ ദിവസം കളിയ്ക്കുവാന് യോഗ്യത നേടുകയും അരങ്ങേറ്റം നടത്തുകയും ചെയ്ത ജോഫ്ര ആര്ച്ചറെ ടീമിലെടുക്കണമെന്ന് അഭിപ്രായപ്പെട്ട് മുന് ഇംഗ്ലണ്ട് ഓള്റൗണ്ടര് ആന്ഡ്രൂ ഫ്ലിന്റോഫ്. തന്റെ ആദ്യ രണ്ട് മത്സരങ്ങളിലും നിര്ണ്ണായക പ്രകടനം പുറത്തെടുത്ത താരത്തെ പരിഗണിക്കാതിരിക്കുക ഏറെ പ്രയാസകരമാണെന്നാണ് ആന്ഡ്രൂ ഫ്ലിന്റോഫ് പറഞ്ഞത്.
ആരെ പുറത്ത് കളഞ്ഞിട്ടാണെങ്കിലും താരത്തെ ലോകകപ്പിനു എടുക്കണമെന്നാണ് ആന്ഡ്രൂ ഫ്ലിന്റോഫ് അഭിപ്രായപ്പെടുന്നത്. ഇത്രയും വേഗത്തില് ഇത്രയും നിയന്ത്രണത്തോടെ ഒരാള് പന്തെറിയുമ്പോള് അയാളെ അവഗണിക്കുകയെന്നത് ഏറ്റവും ക്രൂരമായ കാര്യമാണെന്നും ഫ്ലിന്റോഫ് പറഞ്ഞു.