ചാഹലിനെ ലോകകപ്പ് ടീമിൽ എടുക്കാത്തതിനെ വിമർശിച്ച് ഹർഭജൻ
2023 ഏകദിന ലോകകപ്പ് ടീമിൽ നിന്ന് യുസ്വേന്ദ്ര ചാഹലിനെ ഒഴിവാക്കിയതിൽ മുൻ ഇന്ത്യൻ സ്പിന്നർ ഹർഭജൻ സിംഗ് ഞെട്ടൽ രേഖപ്പെടുത്തിയിട. ഇന്ത്യ ഇന്ന് തങ്ങളുടെ 15 അംഗ ടീമിനെ പ്രഖ്യാപിച്ചിരുന്നു ചാഹലും അശ്വിനും ടീമിൽ ഇടം നേടിയില്ല. നേരത്തെ ഏഷ്യാ കപ്പിലും ഇരുവരും അവഗണിക്കപ്പെട്ടിരുന്നു. കുൽദീപ്, അക്സർ പട്ടേൽ, ജഡേജ എന്നിവർ ആകും ലോകകപ്പിൽ ഇന്ത്യക്ക് ഒപ്പം ഉള്ള സ്പിന്നർമാർ.
മുൻ ഇന്ത്യൻ സ്പിന്നർ ഹർഭജൻ സിംഗ് സ്ക്വാഡ് തിരഞ്ഞെടുപ്പിന് ശേഷം ട്വീറ്ററിലൂടെയാണ് വിമർശനം ഉന്നയിച്ചത്. ചാഹലിന് ഇന്ത്യൻ ടീമിൽ ഇടം നേടാനാകാത്തത് തന്നെ അത്ഭുതപ്പെടുത്തിയെന്ന് അദ്ദേഹൻ പറഞ്ഞു.
“ടീം ഇന്ത്യയ്ക്കുള്ള ലോകകപ്പ് ടീമിൽ യുസ്വേന്ദ്ര ചാഹലിനെ കാണാത്തതിൽ ആശ്ചര്യമുണ്ട്. ശുദ്ധമായ മാച്ച് വിന്നർ ആണ് ചാഹൽ,” ഹർഭജൻ പറഞ്ഞു.