ലെസ്റ്റർ മിഡ്‌ഫീൽഡർ മാർക്ക് ആൾബ്രൈറ്റണ് ലെസ്റ്റർ സിറ്റിയിൽ പുതിയ കരാർ. പുതിയ കരാർ പ്രകാരം താരം 2024 വരെ ലെസ്റ്റർ സിറ്റിയിൽ തന്നെ തുടരും. 31കാരനായ ആൾബ്രൈറ്റൺ ലെസ്റ്റർ സിറ്റിക്ക് വേണ്ടി 253 മത്സരങ്ങൾ കളിച്ചിട്ടുണ്ട്. 2014ൽ ആസ്റ്റൺ വില്ലയിൽ നിന്നാണ് ആൾബ്രൈറ്റൺ ലെസ്റ്റർ സിറ്റിയിൽ എത്തുന്നത്. 2015/ 16 സീസണിൽ ലെസ്റ്റർ സിറ്റി ഏവരെയും ഞെട്ടിച്ചുകൊണ്ട് പ്രീമിയർ ലീഗ് കിരീടം നേടിയപ്പോൾ മാർക്ക് ആൾബ്രൈറ്റൺ ടീമിന്റെ ഭാഗമായിരുന്നു.
കഴിഞ്ഞ സീസണിൽ 42 മത്സരങ്ങൾ കളിച്ച ആൾബ്രൈറ്റൺ ലെസ്റ്റർ സിറ്റിയുടെ കൂടെ എഫ്.എ കപ്പ് കിരീടവും നേടിയിരുന്നു. ചെൽസിയെ പരാജയെപ്പടുത്തിയാണ് ലെസ്റ്റർ സിറ്റി എഫ്.എ കപ്പ് കിരീടം നേടിയത്. എന്നാൽ കഴിഞ്ഞ സീസണിൽ അവസാന ദിവസം ലെസ്റ്റർ സിറ്റിക്ക് ചാമ്പ്യൻസ് ലീഗ് യോഗ്യത നഷ്ട്ടപെട്ടിരുന്നു.
