പരമ്പര സമനിലയിലാക്കി മടങ്ങേണ്ടി വന്നത് ഏറെ നിരാശ നൽകുന്നുവെന്ന് പറഞ്ഞ് ന്യൂസിലാണ്ട് നായകന് ടിം സൗത്തി. ആദ്യ ടെസ്റ്റിൽ 9 വിക്കറ്റ് അവശേഷിക്കവെ ന്യൂസിലാണ്ട് വിജയത്തിന് 77 റൺസ് അകലെയുള്ളപ്പോളാണ് മോശം വെളിച്ചം കളി അവസാനിപ്പിച്ചതെങ്കില് രണ്ടാം ടെസ്റ്റിൽ പാക്കിസ്ഥാന്റെ 9 വിക്കറ്റ് നേടിയ ശേഷം പത്താം വിക്കറ്റിൽ നസീം ഷാ – അബ്രാര് അഹമ്മദ് കൂട്ടുകെട്ട് ചെറുത്ത് നിന്ന് മത്സരം സമനിലയിലേക്ക് എത്തിക്കുകയായിരുന്നു.
ടെസ്റ്റ് മത്സരങ്ങള് ജയിക്കുവാനാണ് ടീം ശ്രമിക്കുന്നതെന്നും അതിനുള്ള അവസരം ടീം സൃഷ്ടിച്ചിരുന്നുവെന്നും പരമ്പര വിജയത്തിന് ഒരു പന്ത് അകലെ വരെ ടീം എത്തിയെന്നത് പരമ്പര ഫലത്തെക്കുറിച്ചോര്ക്കുമ്പോള് നിരാശയാണ് സമ്മാനിക്കുന്നതെന്നും സൗത്തി കൂട്ടിചേര്ത്തു.
പാക്കിസ്ഥാനും സമാനമായ സാഹചര്യത്തിലൂടെയാവും കടന്ന് പോകുന്നതെന്നും രണ്ടാം ടെസ്റ്റിൽ അവരും വിജയത്തിന് 15 റൺസ് അടുത്ത് വരെ എത്തിയിരുന്നുവെന്നും സൗത്തി പറഞ്ഞു.
ഈ പത്ത് ദിവസങ്ങളിൽ വളരെ അധികം മികച്ച ക്രിക്കറ്റാണ് ഇരു ടീമുകളും കളിച്ചതെന്നും സൗത്തി അഭിപ്രായപ്പെട്ടു.
