Tag: Tim Southee

ന്യൂസിലൻഡിൽ നിന്നുള്ള 35 കാരനായ പേസർ ടിം സൗത്തി ഇംഗ്ലണ്ടിനെതിരായ ടെസ്റ്റ് പരമ്പരയ്ക്ക് ശേഷം വിരമിക്കുമെന്ന് പ്രഖ്യാപിച്ചു. 2008-ൽ അരങ്ങേറ്റം കുറിച്ച സൗത്തി, പിന്നീട് ന്യൂസിലൻഡിൻ്റെ പ്രധാന കളിക്കാരിൽ ഒരാളായി മാറി, 385 വിക്കറ്റുമായി രാജ്യത്തിൻ്റെ ടെസ്റ്റ് വിക്കറ്റ് നേട്ടത്തിൽ റിച്ചാർഡ് ഹാഡ്‌ലിക്ക് പിന്നിൽ രണ്ടാമതാണ്.

ന്യൂസിലൻഡിനായി കളിക്കുന്നത് ഒരു സ്വപ്ന സാക്ഷാത്കാരമാണെന്നും തൻ്റെ കരിയറിൻ്റെ ഈ ഘട്ടത്തിൽ വിരമിക്കാനുള്ള തീരുമാനം ശരിയാണെന്നും അദ്ദേഹം പറഞ്ഞു. ഹാമിൽട്ടണിലെ ഹോം ഗ്രൗണ്ടിൽ അദ്ദേഹം തൻ്റെ ടെസ്റ്റ് കരിയർ അവസാനിപ്പിക്കും. സൗത്തി കളിയുടെ എല്ലാ ഫോർമാറ്റുകളിലും തൻ്റെ മുദ്ര പതിപ്പിച്ചിട്ടുണ്ട്, 300 ടെസ്റ്റ് വിക്കറ്റുകൾ, 200 ഏകദിന വിക്കറ്റുകൾ, 100 ടി20 വിക്കറ്റുകൾ എന്നിവ നേടിയ ഒരേയൊരു കളിക്കാരനാണ്.

നവംബർ 28-ന് ആണ് ഇംഗ്ലണ്ടിനെതിരായ മൂന്ന് ടെസ്റ്റുകളുടെ പരമ്പര ആരംഭിക്കുന്നത്.

ഏഷ്യയിൽ ടെസ്റ്റ് ക്രിക്കറ്റ് വിജയിക്കുവാന്‍ ഭാഗികമായി മാത്രം മികച്ച് നിന്നാൽ പോരെന്ന് വ്യക്തമാക്കി ന്യൂസിലാണ്ട് നായകന്‍ ടിം സൗത്തി. സ്ഥിരതയോടെ കൂടുതൽ സമയം കളിച്ചാൽ മാത്രമേ ഏഷ്യയിൽ വിജയം നേടാനാകുമെന്ന് ബംഗ്ലാദേശിനെതിരെയുള്ള രണ്ടാം ടെസ്റ്റിന് മുമ്പാണ് സൗത്തി തന്റെ അഭിപ്രായം വ്യക്തമാക്കിയത്.

ബൗളിംഗ് ഗ്രൂപ്പിനോട് കൂടുതൽ ദൈര്‍ഘ്യമേറിയ ബൗളിംഗ് മികവ് പുറത്തെടക്കുവാനും ബാറ്റ്സ്മാന്മാരോട് ബാറ്റിംഗ് കൂട്ടുകെട്ടുകള്‍ സൃഷ്ടിക്കുകയും ആണ് വേണ്ടതെന്ന് ടീം മീറ്റിംഗിൽ ചര്‍ച്ച ചെയ്യപ്പെട്ട കാര്യമാണെന്നും സൗത്തി കൂട്ടിചേര്‍ത്തു. ആദ്യ ടെസ്റ്റിൽ 150 റൺസിനാണ് ബംഗ്ലാദേശിനോട് ന്യൂസിലാണ്ട് പരാജയം ഏറ്റുവാങ്ങിയത്.

സിൽഹെറ്റ് ടെസ്റ്റിന്റെ മൂന്നാം ദിവസം പുരോഗമിക്കുമ്പോള്‍ ബംഗ്ലാദേശിന് രണ്ടാം ഇന്നിംഗ്സിൽ മോശം തുടക്കം. 2 വിക്കറ്റ് നഷ്ടത്തിൽ ടീം 20 ഓവറിൽ 48 റൺസാണ് ഒടുവിൽ റിപ്പോര്‍ട്ട് കിട്ടുമ്പോള്‍ നേടിയിരിക്കുന്നത്. നേരത്തെ 266/8 എന്ന നിലയിൽ നിന്ന് ബാറ്റിംഗ് പുനരാരംഭിച്ച ന്യൂസിലാണ്ട് 317 റൺസ് നേടി ഓള്‍ഔട്ട് ആയി.

ഇതോടെ 7 റൺസിന്റെ ഒന്നാം ഇന്നിംഗ്സ് ലീഡ് ടീം നേടി. 35 റൺസ് നേടിയ ടിം സൗത്തിയാണ് ന്യൂസിലാണ്ടിന്റെ ചെറുത്ത്നില്പിനെ നയിച്ചത്. കൈൽ ജാമിസൺ 23 റൺസും നേടി. ഇരുവരും ചേര്‍ന്ന് 9ാം വിക്കറ്റിൽ 56 റൺസ് കൂട്ടിചേര്‍ത്താണ് ന്യൂസിലാണ്ടിന് ലീഡ് നേടിക്കൊടുത്തത്. ബംഗ്ലാദേശിനായി തൈജുള്‍ ഇസ്ലാം 4 വിക്കറ്റും മോമിനുള്‍ 3 വിക്കറ്റും നേടി.

മഹമ്മുദുള്‍ ഹസന്‍ ജോയ്(8), സാക്കിര്‍ ഹസന്‍(17) എന്നിവരുടെ വിക്കറ്റുകളാണ് രണ്ടാം ഇന്നിംഗ്സിൽ ബംഗ്ലാദേശിന് നഷ്ടമായത്. 14 റൺസുമായി നജ്മുള്‍ ഹൊസൈന്‍ ഷാന്റോയും 4 റൺസ് നേടി മോമിനുള്‍ ഹക്കുമാണ് ക്രീസിലുള്ളത്.

വെല്ലിംഗ്ടണിലെ ന്യൂസിലാണ്ടും ഇംഗ്ലണ്ടും തമ്മിലുള്ള ടെസ്റ്റ് മത്സരം ഏറെക്കാലം ചര്‍ച്ച ചെയ്യുവാന്‍ പോകുന്ന ഒന്നായിരിക്കുമെന്ന് പറഞ്ഞ് ന്യൂസിലാണ്ട് നായകന്‍ ടിം സൗത്തി. മത്സരത്തിൽ ഇംഗ്ലണ്ടിനെതിരെ ഒരു റൺസ് വിജയം ആണ് ന്യൂസിലാണ്ട് നേടിയത്.

ന്യൂസിലാണ്ടിനെ ഫോളോ ഓണ്‍ ചെയ്യുവാന്‍ ഇംഗ്ലണ്ട് ആവശ്യപ്പെട്ടുവെങ്കിലും രണ്ടാം ഇന്നിംഗ്സിൽ ന്യൂസിലാണ്ട് മികച്ച ബാറ്റിംഗ് നടത്തി ഇംഗ്ലണ്ടിന് മുന്നിൽ 258 റൺസ് വിജയ ലക്ഷ്യം നൽകി. ഇംഗ്ലണ്ട് 256 റൺസിന് ഓള്‍ഔട്ട് ആകുകയായിരുന്നു.

ടെസ്റ്റ് ക്രിക്കറ്റ് ചരിത്രത്തിൽ തന്നെ ഫോളോ ഓണിന് വിധേയരായ ശേഷം വിജയം നേടിയ ചുരുക്കം ചില ടീമിലൊന്നായി ന്യൂസിലാണ്ട് മാറുകയായിരുന്നു. ന്യൂസിലാണ്ട് വേറെയും ചില ക്ലോസ് മത്സരങ്ങളില്‍ വിജയിച്ചിട്ടുണ്ടെന്നും എന്നാൽ ഫോളോ ഓണിന് ശേഷം വിജയം നേടുക എന്നത് വളരെ വ്യത്യസ്തമായ അനുഭവം ആണെന്നും അതിനാൽ തന്നെ ഈ ടെസ്റ്റ് മത്സരം ഏറെക്കാലം ചര്‍ച്ച ചെയ്യപ്പെടുമെന്നാണ് താന്‍ കരുതുന്നതെന്നും ടിം സൗത്തി പറഞ്ഞു.

ഇംഗ്ലണ്ടിനും ഇന്ത്യയ്ക്കും ശേഷം ഫോളോ ഓണിന് ശേഷം വിജയം നേടുന്ന മൂന്നാമത്തെ ടീമായി ഇതോടെ ന്യൂസിലാണ്ട് മാറി.