ന്യൂസിലാണ്ടിനെതിരെ ആദ്യ ടി20 മത്സരത്തിലും പാക്കിസ്ഥാനും മോശം തുടക്കം. ഇന്ന് വെല്ലിംഗ്ടണില് നടന്ന് വരുന്ന മത്സരത്തില് ടോസ് നേടിയ ന്യൂസിലാണ്ട് ബൗളിംഗ് തിരഞ്ഞെടുക്കുകയായിരുന്നു. രണ്ട് ബാറ്റ്സ്മാന്മാര്ക്ക് മാത്രമാണ് രണ്ടക്കം പാക് നിരയില് കടക്കാനായത്. ബാബര് അസം(41), ഹസന് അലി(23) എന്നിവര് ആണവര്. 19.4 ഓവറില് ന്യൂസിലാണ്ട് പാക്കിസ്ഥാനെ 105 റണ്സിനു ഓള്ഔട്ട് ആക്കി.
ടിം സൗത്തിയും സെത്ത് റാന്സും ന്യൂസിലാണ്ട് നിരയില് മൂന്ന് വിക്കറ്റ് വീതം നേടി തിളങ്ങി. മിച്ചല് സാന്റനറിനു രണ്ട് വിക്കറ്റ് ലഭിച്ചു.
കൂടുതൽ കായിക വാർത്തകൾക്ക് : www.facebook.com/FanportOfficial
