ഇംഗ്ലണ്ടിനെതിരെയുള്ള ടി20 പരമ്പര അവസാനിച്ചതോടെ പാക്കിസ്ഥാന് താരം ഷഹീന് അഫ്രീദി ടി20 ബ്ലാസ്റ്റില് കളിക്കുവാന് എത്തുന്നു. ഹാംഷറയിന്റെ ശേഷിക്കുന്ന മത്സരങ്ങളില് താരത്തിന്റെ സേവനം ഉണ്ടാകുമെന്നാണ് അറിയുന്നത്. വ്യാഴാഴ്ച സറേയ്ക്കെതിരെ നടക്കുന്ന മത്സരത്തില് താരം അരങ്ങേറ്റം കുറിയ്ക്കുമെന്നാണ് പ്രതീക്ഷിക്കപ്പെടുന്നത്.
നേരത്തെ താരത്തിനെ ഈ സീസണില് കൗണ്ടി ചാമ്പ്യന്ഷിപ്പിന് വേണ്ടി ക്ലബ് കരാറിലെത്തിച്ചിരുന്നുവെങ്കിലും പിന്നീട് കോവിഡ് വ്യാപനത്തെത്തുടര്ന്ന് എല്ലാം ഒഴിവാക്കപ്പെടുകയായിരുന്നു. ഇപ്പോള് ഷഹീന് അഫ്രീദിയ്ക്ക് ടി20 ബ്ലാസ്റ്റില് കളിക്കുവാനുള്ള അനുമതി പാക്കിസ്ഥാന് ബോര്ഡും തീരുമാനിച്ചതോടെ താരം ഇംഗ്ലണ്ടില് തങ്ങുവാന് തീരുമാനിക്കുകയായിരുന്നു.
ഏഴോളം മത്സരങ്ങളാണ് ഇനി അവശേഷിക്കുന്നത്. പാക്കിസ്ഥാന് നായകന് ബാബര് അസം സോമര്സെറ്റിനായി ടി20 ബ്ലാസ്റ്റില് കളിക്കുന്നുണ്ട്.