Tag: Somerset

മദ്യ ബ്രാൻഡിന്റെ ലോഗോയുള്ള ജേഴ്സി ധരിക്കാൻ വിസ്സമ്മതിച്ച് പാകിസ്ഥാൻ സൂപ്പർ താരം ബാബർ അസം. ഇംഗ്ലീഷ് കൗണ്ടിയിലെ ടി20 ബ്ലാസ്റ്റിൽ സോമർസെറ്റിന് വേണ്ടി കളിക്കുന്ന സമയത്താണ് താരം മദ്യ ബ്രാൻഡിന്റെ ലോഗോയുള്ള ജേഴ്സിധരിക്കില്ലെന്ന് പറഞ്ഞത്. പാകിസ്ഥാൻ ടീമിന്റെ ഇംഗ്ലണ്ട് പര്യടനത്തിന് ശേഷം ഇംഗ്ലണ്ടിൽ തങ്ങിയ താരം കഴിഞ്ഞ ദിവസം സോമർസെറ്റിന് വേണ്ടി കളിച്ചിരുന്നു.

എന്നാൽ ബാബർ അസം മത്സരത്തിൽ മധ്യ ബ്രാൻഡിന്റെ ലോഗോയുള്ള ജേഴ്സിയുമായാണ് ഇറങ്ങിയത്. തുടർന്ന് അത് തെറ്റുപറ്റിയതാണെന്നും ഇനിയുള്ള മത്സരങ്ങളിൽ താരം മദ്യ ബ്രാൻഡിന്റെ ലോഗോയുള്ള ജേഴ്സി ധരിക്കില്ലെന്നും ടീമുമായി ബന്ധപ്പെട്ടവർ വ്യക്തമാക്കിയിട്ടുണ്ട്. സോമർസെറ്റിന് വേണ്ടിയുള്ള തന്റെ ആദ്യ മത്സരത്തിൽ 42 റൺസ് എടുത്ത ബാബർ അസം ടീമിന് 16 റൺസിന്റെ വിജയം നേടി കൊടുത്തിരുന്നു.

ഈ സീസണ്‍ അവസാനം സോമര്‍സെറ്റില്‍ നിന്ന് വിട വാങ്ങുന്ന ഇംഗ്ലണ്ട് ടെസ്റ്റ് താരം ഡൊമിനിക് ബെസ്സിന് യോര്‍ക്ക്ഷയറില്‍ പുതിയ കരാര്‍. കൗണ്ടി ക്ലബ്ബുമായി 4 വര്‍ഷത്തെ കരാറാണ് താരം ഒപ്പിടുന്നത്. സോമര്‍സെറ്റിനായി 26 ഫസ്റ്റ് ക്ലാസ് മത്സരങ്ങളില്‍ കളിച്ചിട്ടുള്ള താരം 79 വിക്കറ്റുകളും 757 റണ്‍സും നേടുകയുണ്ടായി. ഈ പ്രകടനം താരത്തിന് ഇംഗ്ലണ്ട് ടീമില്‍ ഇടം നല്‍കുകയായിരുന്നു.

കഴിഞ്ഞ വര്‍ഷം മേയില്‍ യോര്‍ക്ക്ഷയറില്‍ ഒരു മാസത്തെ ലോണില്‍ താരം കളിച്ചിരുന്നു. ഇത് തനിക്ക് കൗണ്ടിയെക്കുറിച്ച് കൂടുതല്‍ മനസ്സിലാക്കുവാന്‍ സഹായിച്ചുവെന്നും ഡൊമിനിക് ബെസ്സ് വ്യക്തമാക്കി. തനിക്ക് യോര്‍ക്ക്ഷയറില്‍ ലഭിയ്ക്കുന്ന അവസരങ്ങള്‍ മുതലാക്കി തനിക്ക് മികവ് പുലര്‍ത്താനായാല്‍ അന്താരാഷ്ട്ര ക്രിക്കറ്റില്‍ കൂടുതല്‍ കളിക്കുവാനുള്ള തുണയായി അത് മാറുമെന്നും ബെസ്സ് പ്രത്യാശ പ്രകടിപ്പിച്ചു.

ഇംഗ്ലണ്ട് സ്പിന്നര്‍ ഡൊമിനിക് ബെസ്സ് ഈ സീസണ്‍ അവസാനത്തോടെ സോമര്‍സെറ്റ് ക്ലബ് വിടും. കൗണ്ടിയ്ക്കായി 26 ഫസ്റ്റ് ക്ലാസ് മത്സരങ്ങള്‍ കളിച്ചിട്ടുള്ള താരം 79 വിക്കറ്റും 757 റണ്‍സും നേടിയിരുന്നു. ഈ പ്രകടനങ്ങളാണ് താരത്തിന് ഇംഗ്ലണ്ട് ടീമിലേക്ക് ഇടം കിട്ടിയത്. വളരെ പ്രയാസമേറിയ തീരുമാനം ആണ് ഇതെന്നും ഈ ടീമില്‍ തനിക്ക് ഏറെ മികച്ച സുഹൃത്തുക്കളുണ്ടെന്നും താന്‍ വളര്‍ന്ന് വന്നത് ഈ കൗണ്ടിയ്ക്കൊപ്പമാണെന്നും ബെസ്സ് പറഞ്ഞു.

സോമര്‍സെറ്റ് അക്കാഡമിയില്‍ നിന്നാണ് താരം വളര്‍ന്ന് വന്നത്. താരം നല്‍കിയ സേവനങ്ങള്‍ വളരെ മഹത്തരമാണെന്ന് ക്ലബ് പ്രതിനിധികള്‍ അറിയിച്ചു.

ഇംഗ്ലണ്ട് പേസര്‍ ക്രെയിഗ് ഓവര്‍ട്ടണ്‍ സോമര്‍സെറ്റുമായുള്ള തന്റെ കരാര്‍ പുതുക്കി. മൂന്ന് വര്‍ഷത്തേക്കാണ് കരാര്‍ പുതുക്കിയിരിക്കുന്നത്. പുതിയ കരാര്‍ പ്രകാരം താരം 2023 വരെ കൗണ്ടിയില്‍ തുടരും. ഇംഗ്ലണ്ടിന് വേണ്ടി നാല് ടെസ്റ്റുകളില്‍ കളിച്ചിട്ടുള്ള താരം 2012 ഏപ്രിലിലാണ് ക്ലബ്ബിന് വേണ്ടി അരങ്ങേറ്റം കുറിച്ചത്.

നേരത്തെ താരത്തിന്റെ സഹോദരന്‍ ജെയ്മി ഓവര്‍ട്ടണ്‍ ഈ സീസണിന് ശേഷം കൗണ്ടി വിട്ട് സറേയില്‍ ചേരുമെന്ന് അറിയിച്ചിരുന്നു. സോമര്‍സെറ്റിന് വേണ്ടി കിരീടങ്ങള്‍ നേടുക എന്നതാണ് തന്റെ മോഹമെന്നും താരം വ്യക്തമാക്കി.