കൗണ്ടി സീസണിൽ നിന്ന് പിന്മാറിയ മാത്യു വെയിഡിന് പകരം അസ്ഹർ അലിയെ ടീമിലെത്തിച്ച് വോർസ്റ്റർഷയര്. 2022 കൗണ്ടി സീസണിൽ മുഴുവൻ പാക്കിസ്ഥാൻ താരം അസ്ഹർ അലി കളിക്കും. ഐപിഎൽ കളിക്കുവാനുള്ളതിനാലാണ് മാത്യു വെയിഡ് കൗണ്ടിയൽ നിന്ന് പിന്മാറിയത്.
താരത്തിനെ ഗുജറാത്ത് ടൈറ്റൻസ് ആണ് സ്വന്തമാക്കിയത്. പാക്കിസ്ഥാന് വേണ്ടി ടെസ്റ്റ് അരങ്ങേറ്റം 2010ൽ നടത്തിയ അസ്ഹര് അലി 91 ടെസ്റ്റ് മത്സരങ്ങളിൽ ടീമിനായി കളിച്ചിട്ടുണ്ട്. 18 ശതകങ്ങളാണ് താരം സ്വന്തമാക്കിയത്.
മുമ്പ് സോമർസെറ്റിനായി മൂന്ന് സീസണുകളിൽ താരം കളിച്ചിട്ടുണ്ട്.
2021 ടി20 ബ്ലാസ്റ്റില് കളിക്കുവാനായി ഓസ്ട്രേലിയന് താരം ബെന് ഡ്വാര്ഷൂയിസ് എത്തുന്നു. വോര്സ്റ്റര്ഷയര് ആണ് താരവുമായി കരാറിലെത്തിയിരിക്കുന്നത്. ബിഗ് ബാഷ് ജേതാക്കളായ സിഡ്നി സിക്സേഴ്സിന് വേണ്ടി ഏറ്റവും അധികം വിക്കറ്റ് നേടിയ താരമായിരുന്നു ബെന് ഡ്വാര്ഷൂയിസ്. ടൂര്ണ്ണമെന്റില് തന്നെ ജൈ റിച്ചാര്ഡ്സണ് പിന്നിലായി രണ്ടാം സ്ഥാനത്ത് താരം എത്തിയിരുന്നു.
2020 അവസാനത്തോടെ കൊല്പക് കരാര് അവസാനിച്ച ദക്ഷിണാഫ്രിക്കന് താരം വെയിന് പാര്ണലിന് പകരം ആണ് വോര്സ്റ്റര്ഷയര് താരത്തെ സ്വന്തമാക്കിത്. പാര്ണല് അതേ സമയം നോര്ത്താംപ്ടണ്ഷയറിന്റെ വിദേശ താരമായി ടി20 ബ്ലാസ്റ്റ് കളിക്കാനെത്തുന്നുണ്ട്.
ന്യൂസിലാണ്ട് താരം ഹാമിഷ് റൂഥര്ഫോര്ഡ് ഈ വര്ഷത്തെ ടി20 ബ്ലാസ്റ്റിന് എത്തും. വോര്സ്റ്റര്ഷയറിനൊപ്പമാണ് താരം കരാറിലെത്തിയിരിക്കുന്നത്. കരാര് പ്രകാരം ഈ ടി20 ബ്ലാസ്റ്റ് സീസണ് മുഴുവന് താരം ടീമിനൊപ്പമുണ്ടാകും എന്നാണ് അറിയുന്നത്. ഓസ്ട്രേലിയയുടെ ആഷ്ടണ് ടര്ണറുടെ അഭാവത്തിലാണ് കൗണ്ടി ഹാമിഷുമായി കരാറിലെത്തിയിരിക്കുന്നത്.
വെസ്റ്റേണ് ഓസ്ട്രേലിയയുമായുള്ള മത്സരങ്ങള് കാരണമാണ് ടര്ണര് ഈ വര്ഷം ടി20 ബ്ലാസ്റ്റിനെത്താത്തത്. കഴിഞ്ഞ ഒക്ടോബറില് 2020 സീസണിലേക്ക് ഹാമിഷ് റൂഥര്ഫോര്ഡിനെ എല്ലാ ഫോര്മാറ്റിലേക്കുമാണ് കൗണ്ടി കരാറിലെത്തിച്ചതെങ്കിലും കൊറോണയുടെ സ്ഥിതി കാരണം താരത്തിനെ ഇപ്പോള് ടി20 ബ്ലാസ്റ്റിന് വേണ്ടി മാത്രമാണ് പരിഗണിക്കുന്നത്.
കഴിഞ്ഞ വര്ഷം താരം ടീമിന് വേണ്ടി ഫസ്റ്റ് ക്ലാസ്സിലും ലിസ്റ്റ് എ മത്സരത്തിലും ശതകങ്ങള് നേടിയിരുന്നു. എസ്സെക്സുമായുള്ള ടി20 ബ്ലാസ്റ്റ് ഫൈനല് മത്സരത്തിലും റൂഥര്ഫോര്ഡ് ടീമിന്റെ ഭാഗമായിരുന്നു. മത്സരത്തില് തങ്ങളുടെ കിരീടം നിലനിര്ത്തുന്നതില് വോര്സ്റ്റര്ഷയര് പരാജയപ്പെടുകയായിരുന്നു.
ദക്ഷിണാഫ്രിക്കയുടെ ഓള്റൗണ്ടര് വെയിന് പാര്ണെര് വോര്സെസ്റ്റര്ഷയറുമായി കൊല്പക് കരാറിലേര്പ്പെട്ടു. തന്റെ അന്താരാഷ്ട്ര കരിയറിനു സമാപ്തി കുറിച്ചാണ് മൂന്ന് വര്ഷത്തേക്ക് വെയിന് പാര്ണെല് ഈ തീരുമാനത്തിലെത്തിയിരിക്കുന്നത്. ദക്ഷിണാഫ്രിക്കയ്ക്കായി 2009ല് അരങ്ങേറ്റം നടത്തിയ വെയിന് പാര്ണെല് ടീമിനായി 6 ടെസ്റ്റുകളും 65 ഏകദിനങ്ങളും 40 ടി20കളിലും പങ്കെടുത്തു. 2017ല് ബംഗ്ലാദേശിനെതിരെയാണ് തന്റെ അവസാന അന്താരാഷ്ട്ര മത്സരം പാര്ണെല് കളിച്ചത്.
വെയിന് പാര്ണെല് തന്നെയാണ് ഈ സീസണില് വോര്സെസ്റ്റര്ഷയറിനോട് ഇത്തരത്തില് കരാറിലേര്പ്പെടാമെന്ന ആശയം മുന്നോട്ട് വെച്ചതെന്നാണ് അറിയുന്നത്. ഈ കൗണ്ടി സീസണില് താരം ഗ്ലാമോര്ഗന്, കെന്റ്, സസെക്സ്സ് എന്നിവര്ക്ക് കളിച്ച ശേഷമാണ് വോര്സെസ്റ്റര്ഷയറിലേക്ക് എത്തുന്നത്.
