അശ്വിന് സിഡ്നിയില് കളിക്കില്ലെന്ന വാര്ത്തയിലെ സന്തോഷം മറച്ച് വയ്ക്കാതെ ടിം പെയിന്. ഇന്ത്യ തങ്ങളുടെ 13 അംഗ ടീമില് അശ്വിനെ ഉള്പ്പെടുത്തിയിട്ടുണ്ടെങ്കിലും താരം കളിക്കുകയില്ലെന്ന വാര്ത്തയാണ് പരക്കുന്നത്. എന്നാല് ഈ വാര്ത്ത് ആശ്ചര്യജനകമെന്നാണ് ടിം പെയിന് പറയുന്നത്. ഇന്നലെ അശ്വിന് നെറ്റ്സില് പന്തെറിയുന്നത് കണ്ടിരുന്നു. മെല്ബേണിലെ നെറ്റ്സില് ബാറ്റും ചെയ്യുന്നുണ്ടായിരുന്നു. അതിനാല് തന്നെ താരം കളിക്കുന്നില്ലെന്ന വാര്ത്ത അത്ഭുതപ്പെടുത്തുന്നു എന്ന് ടിം പെയിന് പറഞ്ഞു.
സിഡ്നിയിലെ പിച്ച് അശ്വിനു ഏറ്റവും അനുയോജ്യമായിരുന്നു. നന്നായി സ്പിന് ചെയ്യുന്ന പിച്ചില് അശ്വിനെ പോലെ ഉയരമുള്ള ആളുകള്ക്ക് അത് ഗുണം ചെയ്യുമായിരുന്നു. അതിനാല് തന്നെ ടീമിലെ ചില ബാറ്റ്സ്മാന്മാര്ക്ക് അത് തീര്ച്ചയായും സന്തോഷ വാര്ത്തയാകുമെന്നും ടിം പെയിന് പറഞ്ഞു.