ഇന്ത്യയുടെ വലിയ ടോട്ടലുകൾ എല്ലാം സൂര്യകുമാർ യാദവിനെ അപേക്ഷിച്ചാണ് നിൽക്കുന്നത് എന്ന് ഇന്ത്യൻ ഇതിഹാസ ബാറ്റ്സ്മാൻ സുനിൽ ഗവാസ്കർ.
ഇന്ത്യക്ക് പ്രതിരോധിക്കാൻ കഴിയുന്ന ടോട്ടലിലേക്ക് ഇന്ത്യയെ കൊണ്ടുപോകുന്ന കളിക്കാരനായി സൂര്യകുമാർ മാറുകയാണ്. സിംബാബ്വെക്ക് എതിരെ സ്കൈ പുറത്താകാതെ 61 റൺസ് നേടിയില്ലായിരുന്നെങ്കിൽ ഇന്ത്യ 150ൽ പോലും എത്തുമായിരുന്നില്ല എന്നും ഗവാസ്കർ പറഞ്ഞു.
ഇപ്പോൾ മികച്ച ഫോമിലുള്ള രണ്ട് ബാറ്റർമാർ ഇന്ത്യക്ക് ഉണ്ട്. കോഹ്ലിയും സൂര്യകുമാറും. സൂര്യ കളിച്ചില്ല എങ്കിൽ ഇന്ത്യ 140-150 എന്ന സ്കോറിലേക്ക് ഒതുങ്ങും എന്ന അവസ്ഥയാണ് ഇപ്പോൾ. ഗവാസ്കർ പറഞ്ഞു.
സൂര്യകുമാറിന്റെ ഒരോ ഇന്നിംഗ്സും 360 ഡിഗ്രി ഇന്നിങ്സ് ആയിരുന്നു. അവൻ പുതിയ മിസ്റ്റർ 360 ഡിഗ്രിയാണ്. എല്ലാ ഭാഗത്തേക്കും ഷോട്ടുകൾ തൊടുക്കാൻ സൂര്യകുമാറിന് ആകുന്നുണ്ട് എന്നുംഗവാസ്കർ ഇന്ത്യാ ടുഡേയോട് ആയി പറഞ്ഞു.
