Tag: Sanjay Bangar

മുന്‍ ഇന്ത്യന്‍ ബാറ്റിംഗ് കോച്ച് സഞ്ജയ് ബംഗാര്‍ ബംഗ്ലാദേശിന്റെ ബാറ്റിംഗ് കണ്‍സള്‍ട്ടന്റാകുവാനുള്ള ക്ഷണം നിരസിച്ചു. തന്റെ വ്യക്തിഗതമായ നേരത്തെ തന്നെ ഏറ്റെടുത്ത കാര്യങ്ങളാണ് ഈ തീരുമാനത്തിന് പിന്നിലെന്ന് സഞ്ജയ് ബംഗാര്‍ വ്യക്തമാക്കി. ഓസ്ട്രേലിയയ്ക്കെതിരെ ജൂണില്‍ നടക്കുന്ന ടെസ്റ്റ് പരമ്പരയ്ക്കായാണ് ബംഗാറിന്റെ സേവനം ബംഗ്ലാദേശ് തേടിയത്.

എട്ടാഴ്ച മുമ്പാണ് അവര്‍ ഈ അവസരം തനിക്ക് തന്നത്, എന്നാല്‍ നേരത്തെ തന്നെ സ്റ്റാറുമായുള്ള തന്റെ കരാര്‍ താന്‍ പുതുക്കുകയായിരുന്നുവെന്ന് സഞ്ജയ് ബംഗാര്‍ വ്യക്തമാക്കി. ആ കരാര്‍ തനിക്ക് കൂടുതുല്‍ സമയം വ്യക്തിഗത കാര്യങ്ങള്‍ക്കായും നീട്ടി വയ്ക്കുവാന്‍ അനുവദിക്കുന്നുവെന്ന് ബംഗാര്‍ വ്യക്തമാക്കി.

താന്‍ ഭാവിയില്‍ ബംഗ്ലാദേശ് ബോര്‍ഡുമായി സഹകരിക്കാനാകുമെന്നാണ് കരുതുന്നതെന്നും ബംഗാര്‍ സൂചിപ്പിച്ചു.

ഇന്ത്യയുടെ വിദേശ വിജയങ്ങളിലെ ഏറെ നിര്‍ണ്ണായക സ്വാധീനമായിരുന്നു അജിങ്ക്യ രഹാനെ എന്ന് പറഞ്ഞ് മുന്‍ ബാറ്റിംഗ് കോച്ച് സഞ്ജയ് ബംഗാര്‍. തന്റെ ഒട്ടനവധി അര്‍ദ്ധ ശതകങ്ങള്‍ ശതകങ്ങളാക്കി മാറ്റുവാന്‍ താരത്തിന് കഴിഞ്ഞ 18 മാസത്തില്‍ കഴിയാതെ പോയിരുന്നു. എന്നാല്‍ താരം ജോഹാന്നസ്ബര്‍ഗിലും നോട്ടിംഗാമിലും അഡിലെയ്ഡിലുമെല്ലാം വിജയങ്ങളില്‍ സംഭാവന ചെയ്തിരുന്നു.

വിന്‍ഡീസില്‍ താരത്തിന് ശതകം നേടാനായതില്‍ ഏറെ സന്തോഷമുണ്ടെന്നും സഞ്ജയ് ബംഗാര്‍ പറഞ്ഞു. അവിടുത്തെ സീമിംഗ് സാഹചര്യങ്ങളില്‍ ഇന്ത്യ പലപ്പോഴും പിന്നില്‍ പോയ അവസരങ്ങളിലാണ് രഹാനെ വിജയം കുറിയ്ക്കുന്ന ഇന്നിംഗ്സ് പുറത്തെടുത്തതെന്ന് ബംഗാര്‍ സൂചിപ്പിച്ചു.

ഇന്ത്യന്‍ ബാറ്റിംഗ് കോച്ച് സ്ഥാനത്ത് നിന്ന് പുറത്താക്കപ്പെട്ട സഞ്ജയ് ബംഗാര്‍ പറയുന്നത് ഈ തീരുമാനത്തില്‍ നിരാശ തോന്നിയെന്നത് സത്യമാണെന്നും അത് ഒരു സ്വാഭാവിക പ്രതികരണം മാത്രമായിരുന്നുവെന്നുമാണ്. എന്നാല്‍ അത് നാലഞ്ച് ദിവസം മാത്രമേ നിലനിന്നുള്ളുവെന്നും ബംഗാര്‍ പറഞ്ഞു. തനിക്ക് ലഭിച്ച അവസരത്തിന് നന്ദി പറയുകയാണ് താനെന്നും ബംഗാര്‍ പറഞ്ഞു. ബിസിസിഐയ്ക്കും താന്‍ പ്രവര്‍ത്തിച്ച എല്ലാ കോച്ചുമാര്‍ക്കും നന്ദിയുണ്ടെന്ന് ബംഗാര്‍ പറഞ്ഞു.

കഴിഞ്ഞ അഞ്ച് വര്‍ഷമായി ഇന്ത്യന്‍ ക്രിക്കറ്റിനെ സേവിക്കുവാന്‍ തനിക്ക് അവസരം തന്നതിനുള്ള നന്ദി പറഞ്ഞറിയിക്കുവാന്‍ പറ്റാത്തതാണെന്നും ബംഗാര്‍ വ്യക്തമാക്കി. ഡംഗന്‍ ഫ്ലെച്ചര്‍, അനില്‍ കുംബ്ലെ, രവി ശാസ്ത്രി എന്നീ കോച്ചുമാരുമായാണ് സഞ്ജയ് ബംഗാര്‍ പ്രവര്‍ത്തിച്ചിട്ടുള്ളത്. ഈ ഇടവേള താന്‍ പുതുതായി ഊര്‍ജ്ജം വീണ്ടെടുത്ത് തിരിച്ചുവരവ് നടത്തുവാനുള്ള സമയമായി കണക്കാക്കുമെന്നും ബംഗാര്‍ വെളിപ്പെടുത്തി.