Tag: Saina Nehwal

ഇന്തോനേഷ്യ മാസ്റ്റേഴ്‌സ് ടൂർണമെന്റിന്റെ 16-ാം റൗണ്ടിൽ ചൈനയുടെ ഹാൻ യുവെക്കെതിരെ ഇന്ത്യൻ ബാഡ്മിന്റൺ താരം സൈന നെഹ്‌വാളിന് തോൽവി. 15-21, 7-21 എന്ന സ്‌കോറിനാണ് മത്സരം അവസാനിച്ചത്. ടൂർണമെന്റിൽ നേരത്തെ, 32-ാം റൗണ്ടിൽ തായ്‌വാന്റെ പൈ യു പോയെ തോൽപ്പിച്ച് ആയിരുന്നു നെഹ്‌വാളിന് പ്രീക്വാർട്ടറിലേക്ക് കടന്നത്. 2022 ജൂലൈയിൽ സിംഗപ്പൂർ ഓപ്പണിലായിരുന്നു സൈനയുടെ അവസാന ക്വാർട്ടർ ഫൈനൽ പ്രവേശനം. അതിനു ശേഷം ഇന്നത്തേത് ഉൾപ്പെടെ തുടർച്ചയായ എട്ട് ടൂർണമെന്റുകളിൽ ക്വാർട്ടർ ഫൈനലിൽ എത്താൻ സൈനക്ക് ആയിട്ടില്ല.

Story Highlight: Saina Nehwal goes down to China’s Han Yue 15-21, 7-21 in RO16 of the Indonesia Masters 2023

തായ്‍ലാന്‍ഡ് താരത്തോട് ഹൈലോ ഓപ്പൺ ആദ്യ റൗണ്ടിൽ പുറത്തായി സൈന നെഹ്‍വാൽ. ഇത് സൈന ആദ്യ റൗണ്ടിൽ പുറത്താകുന്ന തുടര്‍ച്ചയായ നാലാമത്തെ ടൂര്‍ണ്ണമെന്റാണ്. തായ് താരമായ ബുസ്നനന്‍ ഒംഗ്ബാംറുംഫാനിനോട് 15-21, 8-21 എന്ന സ്കോറിന് നേരിട്ടുള്ള ഗെയിമുകളിലാണ് ഇന്ത്യന്‍ താരം പരാജയപ്പെട്ടത്.

ലോക റാങ്കിംഗിൽ പത്താം നമ്പര്‍ താരത്തോട് അവസാനം കളിച്ച ആറ് മത്സരങ്ങളിലും സൈനയ്ക്ക് പരാജയം ആയിരുന്നു ഫലം.

ഓര്‍ലീന്‍സ് മാസ്റ്റേഴ്സിന്റെ വനിത സിംഗിള്‍സില്‍ വിജയം നേടി ഇന്ത്യയുടെ ഐറ ശര്‍മ്മയും സൈന നെഹ്‍വാലും. ഇന്നത്തെ ജയത്തോടെ ഇരു താരങ്ങളും ടൂര്‍ണ്ണമെന്റിന്റെ ക്വാര്‍ട്ടര്‍ ഫൈനലില്‍ എത്തുകയായിരുന്നു. ഐറ ശര്‍മ്മ ബള്‍ഗേറിയയുടെ മരിയ മിറ്റ്സോവയെ 21-18, 21-13 എന്ന സ്കോറിന് പരാജയപ്പെടുത്തിയപ്പോള്‍ സൈന ഫ്രാന്‍സിന്റെ മാരി ബാടോമേനെയുടെ കടുത്ത വെല്ലുവിളിയെ അതിജീവിച്ചാണ് വിജയം കരസ്ഥമാക്കിയത്. മൂന്ന് ഗെയിം നീണ്ട പോരാട്ടത്തില്‍ 18-21, 21-15, 21-10 എന്ന സ്കോറിനാണ് സൈനുയുടെ വിജയം.

പുരുഷ ഡബിള്‍സില്‍ എംആര്‍ അര്‍ജ്ജുന്‍ – ധ്രുവ് കപില കൂട്ടുകെട്ട് 21-11, 21-12 എന്ന സ്കോറിന് വിജയം കരസ്ഥമാക്കി ക്വാര്‍ട്ടറില്‍ സ്ഥാനം പിടിച്ചിട്ടുണ്ട്.