Tag: Robert Lewandowski

ലാലിഗയിൽ ബാഴ്സലോണക്ക് തുടർച്ചയായ രണ്ടാം വിജയം. ഇന്ന് റയൽ വയ്യഡോയിഡിനെ നേരിട്ട ബാഴ്സലോണ എതിരില്ലാത്ത നാലു ഗോളുകളുടെ വിജയമാണ് സ്വന്തമാക്കിയത്. ലെവൻഡോസ്കിയുടെ ഇരട്ട ഗോളുകൾ ബാഴ്സലോണ വിജയത്തിന് കരുത്തായി.

23ആം മിനുട്ടിൽ വലതു വിങ്ങിൽ നിന്ന് റഫീന നൽകിയ ക്രോസിൽ നിന്നായിരുന്നു ലെവൻഡോസ്കിയുടെ ആദ്യ ഗോൾ. ആദ്യ പകുതി അവസാനിക്കും മുമ്പ് പെഡ്രിയുടെ ഗോളിൽ ബാഴ്സലോണ ലീഡ് ഇരട്ടിയാക്കി. ഡെംബലയുടെ മികച്ച നീക്കമാണ് ഈ അവസരം സൃഷ്ടിച്ചത്.

രണ്ടാം പകുതിയിൽ 64ആം മിനുട്ടിൽ ലെവൻഡോസ്കിയുടെ രണ്ടാം ഗോളും ഒരുക്കിയത് ഡെംബലെ ആയിരുന്നു. ലെവൻഡോസ്കിയുടെ ഫിനിഷും ഗംഭീരമായുരുന്നു. മത്സരത്തിന്റെ അവസാന നിമിഷങ്ങളിൽ ലെവൻഡോസ്കി ആണ് ബാഴ്സലോണയുടെ നാലാം ഗോൾ നേടിയത്.

മൂന്ന് മത്സരങ്ങളിൽ നിന്ന് 7 പോയിന്റാണ് ബാഴ്സലോണക്ക് ഉള്ളത്.

ലാലിഗയിലെ ആദ്യ വിജയം ബാഴ്സലോണ സ്വന്തമാക്കി. ഇന്ന് റയൽ സോസിഡാഡിനെ എവേ ഗ്രൗണ്ടിൽ വെച്ച് നേരിട്ട ബാഴ്സ ഒന്നിനെതിരെ നാലു ഗോളുകൾക്കാണ് പരാജയപ്പെടുത്തിയത്. സബ്ബായി വന്ന് രണ്ട് അസിസ്റ്റും ഒരു ഗോളും നേടിയ അൻസു ഫതിയാണ് ഇന്ന് കളിയുടെ ഗതി മാറ്റിയത്. ലെവൻഡോസ്കി ഇന്ന് ഇരട്ട ഗോളുകളുമായി തിളങ്ങി.

ഇന്ന് മത്സരം ആരംഭിച്ച് ഒരു മിനുട്ട് കൊണ്ട് തന്നെ ലെവൻഡോസ്കിയിലൂടെ ബാഴ്സലോണ മുന്നിൽ എത്തിയിരുന്നു. ബാൽദെ നൽകിയ പാസിൽ നിന്നായിരുന്നു ലെവൻഡോസ്കിയുടെ ബാഴ്സ കരിയറിലെ ആദ്യ ഗോൾ വന്നത്. ഈ ഗോളിന് പെട്ടെന്ന് തന്നെ സൊസിഡാഡ് മറുപടി നൽകി. ആറാം മിനുട്ടിൽ ഇസാകിന്റെ ഗോളാണ് സോസിഡാഡിന് സമനില നൽകിയത്.

ഇതിനു ശേഷം സോസിഡാഡ് നല്ല രണ്ട് അവസരങ്ങൾ ആദ്യ പകുതിയിൽ സൃഷ്ടിച്ചു. രണ്ട് തവണയും ടെർ സ്റ്റേഗൻ ബാഴ്സയെ രക്ഷിച്ചു.

രണ്ടാം പകുതിയിൽ 64ആം മിനുട്ടിൽ ബാഴ്സ അൻസു ഫതിയെ ഇറക്കി. രണ്ട് മിനുട്ടുകൾക്ക് അകം ഒരു ബാക്ക് ഹീൽ അസിസ്റ്റിലൂടെ ഫതി ഡെംബലെക്ക് അവസരം ഒരുക്കുകയും ഫ്രഞ്ച് താരം ബാഴ്സക്ക് ലീഡ് നൽകുകയും ചെയ്തു. രണ്ട് മിനുട്ടുകൾക്ക് ശേഷം വീണ്ടും അൻസു ഗോൾ ഒരുക്കി‌. ഇത്തവണ ലെവൻഡൊസ്കി ആണ് ഗോൾ നേടിയത്. സ്കോർ 3-1.

79ആം മിനുട്ടിൽ അൻസു ഫതിയുടെ ഗോൾ കൂടെ വന്നതോടെ ബാഴ്സയുടെ വിജയം പൂർത്തിയായി. ലീഗിൽ രണ്ട് മത്സരങ്ങൾ കഴിഞ്ഞപ്പോൾ ബാഴ്സക്ക് 4 പോയിന്റ് ആണുള്ളത്.

ലീഗിലെ ആദ്യ മത്സരത്തിൽ ബാഴ്സലോണക്ക് സമനില. റയോ വയെക്കാനോ ബാഴ്സലോണയെ ഗോൾ രഹിത സമനിലയിൽ ആണ് തളച്ചത്.

റയോ വയെകാനോയെ ക്യാമ്പ്നുവിൽ വെച്ച് ബാഴ്സലോണ നേരിടുമ്പോൾ എളുപ്പത്തിൽ സാവിയും സംഘവും വിജയിക്കും എന്നായിരുന്നു ഭൂരിഭാഗവും കരുതിയത്. എന്നാൽ റയോ വയെകാനോ ഇന്ന് ബാഴ്സലോണക്ക് കാര്യങ്ങൾ ഒട്ടും എളുപ്പമാക്കിയില്ല. ലെവൻഡോസ്കിയെ മുന്നിൽ നിർത്തി ബാഴ്സലോണ കളിച്ചു എങ്കിലും ക്ലിയർ ചാൻസുകൾ സൃഷ്ടിക്കുന്നതിൽ അവർ പരാജയപ്പെട്ടു. ആദ്യ പകുതിയിൽ ലെവൻഡോസ്കി പന്ത് വലയിൽ എത്തിച്ചു എങ്കിലും ഓഫ്സൈഡ് ആയിരുന്നു.

രണ്ടാം പകുതിയിൽ ബാഴ്സലോണ അൻസു ഫതി, കെസ്സി, ഡിയോങ് എന്നിവരെ കളത്തിൽ എത്തിച്ച് ഗോൾ കണ്ടെത്താൻ ഉള്ള ശ്രമം തുടർന്നു. അൻസു ഫതിയുടെയും ബുസ്കറ്റ്സിന്റെ രണ്ട് നല്ല ഷോട്ടുകൾ വയെകാനോ ഗോൾ കീപ്പർ ദിമിത്സ്കി മികച്ച സേവുകളുമായി തടഞ്ഞു. ഏറെ ശ്രമിച്ചിട്ടും ബാഴ്സക്ക് ലീക്ഷ് എടുക്കാൻ ആയില്ല.

90ആം മിനുട്ടിൽ ബുസ്കറ്റ്സ് ചുവപ്പ് കണ്ട് പുറത്ത് പോയതും ബാഴ്സലോണക്ക് തിരിച്ചടിയായി. ഇഞ്ച്വറി ടൈമിൽ ഫാൽകാവൊ വയെകാനോക്ക് ലീഡ് നൽകിയെങ്കിലും റഫറി ഓഫ് സൈഡ് വിളിച്ചത് ബാഴ്സക്ക് ആശ്വാസമായി.

Story Highlight: Barcelona start with a draw agains Rayo Vallecano

ലാലിഗ സീസൺ തുടങ്ങും മുന്നെയുള്ള അവസാന മത്സരത്തിൽ ബാഴ്സലോണക്ക് വിജയം. ഇന്ന് ഗാമ്പർ ട്രോഫിയിൽ മെക്സിക്കൻ ക്ലബായ പുമസ് UNAMനെ നേരിട്ട ബാഴ്സലോണ എതിരില്ലാത്ത ആറ് ഗോളുകളുടെ വിജയം നേടി കിരീടം തങ്ങളുടേതാക്കി മാറ്റി. ഇന്ന് ക്യാമ്പ്നുവിൽ നടന്ന മത്സരത്തിൽ ആദ്യ 10 മിനുട്ടിൽ തന്നെ ബാഴ്സലോണ മൂന്ന് ഗോളുകൾ അടിച്ചിരുന്നു.

നാലാം മിനുട്ടിൽ ലെവൻഡോസ്കിയുടെ ഗോളുമായാണ് ബാഴ്സലോണ കളി തുടങ്ങിയത്. ലെവൻഡോസ്കിയുടെ ക്യാമ്പ്നുവിലെ ആദ്യ ഗോൾ. അഞ്ചാം മിനുട്ടിൽ പെനാൾട്ടി ബോക്സിൽ നിന്ന് ലെവൻഡോസ്കിയുടെ ഒരു മനോഹര പാസ് ലക്ഷ്യത്തിലെത്തിച്ച് പെഡ്രി ലീഡ് ഇരട്ടിയാക്കി.

പത്താം മിനുട്ടിൽ റഫീഞ്ഞയുടെ പാസിൽ നിന്ന് ഒരു അനായാസ ഫിനിഷിൽ ഡെംബലെ ബാഴ്സയുടെ മൂന്നാം ഗോൾ നേടി. 19ആം മിനുട്ടിൽ ലെവൻഡോസ്കിയുടെ ഒരു ഫ്ലിക്ക് പാസ് സ്വീകരിച്ച് പെഡ്രി തന്റെ രണ്ടാം ഗോൾ നേടി. ബാഴ്സ ആദ്യ പകുതി 4-0ന് അവസാനിപ്പിച്ചു.

രണ്ടാം പകുതിയുടെ തുടക്കത്തിൽ ഒബാമയങ്ങും അവസാനം ഡിയോങ്ങും ഗോൾ ചെയ്തതോടെ അവരുടെ വിജയം പൂർത്തിയായി.

Story Highlight: Barcelona defeat Pumas 6-0 Gamper Trophy