മുൻ ബാഴ്സലോണ ക്യാപ്റ്റൻ പുയോൾ ലെവൻഡോസ്കി ബാലൻ ഡി ഓർ അർഹിക്കുന്നുണ്ട് എന്ന് പറഞ്ഞു. ബാഴ്സലോണയിലേക്ക് എത്തിയ താരം ഇവിടെ ബാഴ്സക്ക് ഒപ്പം അദ്ദേഹം ബാലൻ ഡി ഓർ നേടണം എന്നും പുയോൾ പറഞ്ഞു. അവസാന രണ്ട് സീസണുകളിലും ലെവൻഡോസ്കി ബാലൻ ഡി ഓർ നേടും എന്ന് പ്രതീക്ഷിച്ചിരുന്നു. ഒരു വർഷം ബാലൻ ഡി ഓർ പുരസ്കാരം റദ്ദാക്കപ്പെടുകയും ഒരു സീസണിൽ മെസ്സി പുരസ്കാരം നേടുകയും ചെയ്തിരുന്നു.
ലെവൻഡോസ്കി ലോകത്തെ ഏറ്റവും മികച്ച സ്ട്രൈക്കർ ആണെന്നും അദ്ദേഹം ഒരു ബാലൻ ഡി ഓർ അർഹിക്കുന്നുണ്ട്. ഗോളുകൾ മാത്രമല്ല അദ്ദേഹം ഏറെ അവസരങ്ങളും സൃഷ്ടിക്കുന്നുണ്ട് എന്ന് പുയോൾ പറഞ്ഞു. എന്നാൽ ഈ സീസണിൽ ലെവൻഡോസ്കി ആണ് ബാലൻ ഡി ഓർ അർഹിക്കുന്നത് എന്ന് പുയോൾ പറഞ്ഞില്ല.
ബെൻസീമയും ലെവൻഡോസ്കിയും ഇത്തവണത്തെ ബാലൻ ഡി ഓർ നോമിനേഷനിൽ ഉണ്ട്. ബെൻസീമ മികച്ച സ്ട്രൈക്കർ ആണെന്നും റൊണാൾഡോ പോയത് മുതൽ റയലിനെ തോളിലേറ്റി മുന്നോട്ട് കൊണ്ടു പോകുന്നത് ബെൻസീമ ആണെന്നും പുയോൾ പറഞ്ഞു.