INEOS സ്പോർട്സ് ഡയറക്ടർ ഡേവ് ബ്രെയ്ൽസ്ഫോർഡ് മുൻ ചെൽസി മാനേജർ ഗ്രഹാം പോട്ടറെ ഫ്രഞ്ച് ക്ലബ് OGC Nice-ലേക്ക് കൊണ്ടുവരാൻ ശ്രമിക്കുന്നതായി റിപ്പോർട്ടുകൾ. നീസ് പോട്ടറുമായി രണ്ട് വട്ടം ചർച്ചകൾ നടത്തിയതായാണ് റിപ്പോർട്ടുകൾ.ചെൽസിയിലെ മോശം പ്രകടനങ്ങൾ കാരണം ഒരു മാസം മുമ്പ് പോട്ടറിനെ പുറത്താക്കിയിരുന്നു. എന്നാൽ അതിനു മുമ്പ് ബ്രൈറ്റണിൽ തന്റെ കോച്ചിങ് മികവ് പുറത്തെടുക്കാൻ പോട്ടറിനായിരുന്നു.
ജനുവരിയിൽ ലൂസിയൻ ഫാവ്രെ ക്ലബ് വിട്ടത് മുതൽ ദിദിയർ ഡിഗാർഡാണ് നൈസിന്റെ താൽക്കാലിക പരിശീലകനായി പ്രവർത്തിക്കുന്നത്. ചുമതലയേറ്റ ആദ്യ ഏതാനും ആഴ്ചകളിൽ ശ്രദ്ധേയമായ ചില ഫലങ്ങൾ കൈവരിച്ചു എങ്കിലും പിന്നീട് നീസ് പിറകോട്ട് പോയി. ഇതുകൊണ്ടാണ് പുതിയ പരിശീലകനെ ക്ലബ് അന്വേഷിക്കുന്നത്.
