ഫ്ലുമിനെൻസ് റയൽ മാഡ്രിഡ് ഇതിഹാസം മാഴ്സെലോയുടെ കരാർ റദ്ദാക്കി. പരിശീലകനുമായി കളിക്കിടയിൽ നടന്ന പ്രശ്നമാണ് കരാർ റദ്ദാക്കുന്നതിലേക്ക് എത്തിച്ചത്. കഴിഞ്ഞ വർഷം ആയിരുന്നു തൻ്റെ ബാല്യകാല ക്ലബ്ബിലേക്ക് മാർസെലോ മടങ്ങിയെത്തിയത്. 36 കാരനായ ബ്രസീലിയന്റെ കരാർ അവസാനിപ്പിക്കുന്നതായി ഫ്ലുമിനെൻസ് സ്ഥിരീകരിച്ചു.
മാനേജർ മനോ മെനെസസ് ഗ്രെമിയോയ്ക്കെതിരായ മത്സരത്തിൽ, പകരക്കാരനായി മാർസെലോയെ തീരുമാനിച്ചിരുന്നുവെങ്കിലും കളത്തിൽ ഇറങ്ങും മുമ്പ് ഇരുവരും തമ്മിൽ വാക്കേറ്റം ഉണ്ടാവുകയും മാർസെലോയെ സബ് ചെയ്യാനുള്ള തീരുമാനം മെനസസ് മാറ്റുകയും ചെയ്തു.
ഫ്ലുമിനെൻസിനൊപ്പം തൻ്റെ രണ്ടാം സ്പെല്ലിൽ 68 മത്സരങ്ങൾ മാർസെലോ കളിച്ചു. റയൽ മാഡ്രിഡിനൊപ്പം അഞ്ച് ചാമ്പ്യൻസ് ലീഗും ആറ് ലാ ലിഗ കിരീടങ്ങളും ഉൾപ്പെടുന്ന ഒരു മികച്ച കരിയറിർ ഉള്ള താരം ഇപ്പോൾ പുതിയ ക്ലബ് തേടുകയാണ്.
