ഇന്ത്യയ്ക്കെതിരെ കളിക്കുമ്പോള് എന്നും സംഭവിക്കുന്നത് ഇന്നും സംഭവിച്ചു – ഷാക്കിബ് അൽ ഹസന്
ഇന്ത്യയ്ക്കെതിരെ കളിക്കുമ്പോള് എന്നും സംഭവിക്കുന്ന കാര്യമാണ് ഇന്നും സംഭവിച്ചതെന്ന് പറഞ്ഞ് ഷാക്കിബ് അൽ ഹസന്. ഇന്ന് ഇന്ത്യയ്ക്കെതിരെ പൊരുതി നിന്ന ശേഷം അഞ്ച് റൺസ് തോൽവിയേറ്റ് വാങ്ങുകയായിരുന്നു ബംഗ്ലാദേശ്. ഇന്ത്യയ്ക്കെതിരെ ബംഗ്ലാദേശ് മികച്ച പ്രകടനം പുറത്തെടുക്കാറുണ്ടെന്നും എന്നാൽ അവസാന കടമ്പ കടക്കുവാന് ടീമിന് സാധിക്കുന്നില്ലെന്നും ഷാക്കിബ് വ്യക്തമാക്കി.
പവര്പ്ലേയിൽ ടീം ബാറ്റ് വീശിയ രീതി പ്രതീക്ഷ നൽകുന്നതായിരുന്നുവെന്നും ഷോര്ട്ട് ബൗണ്ടറികള് ലക്ഷ്യം വെച്ച് ബാറ്റ് വീശിയാൽ വിജയം നേടാനാകുമെന്നായിരുന്നു ടീമിന്റെ കണക്ക്കൂട്ടൽ എന്നും ഷാക്കിബ് അൽ ഹസന് വ്യക്തമാക്കി.
മികച്ചൊരു മത്സരമായിരുന്നു ഇന്നത്തേതെന്നും ഇരു ടീമുകളും അത് ആസ്വദിച്ചുവെന്നും തനിക്ക് പറയാനാകുമെന്നും ഷാക്കിബ് കൂട്ടിചേര്ത്തു.