ശ്രേയസ്സ് ഗോപാലിന് ശതകം, കര്ണ്ണാടകയ്ക്ക് കൂറ്റന് സ്കോര്
ഉത്തരാഖണ്ഡിനെതിരെ രഞ്ജി ട്രോഫി ക്വാര്ട്ടര് ഫൈനലില് പടുകൂറ്റന് സ്കോര് നേടി കര്ണ്ണാടക. ഇന്ന് മത്സരത്തിന്റെ മൂന്നാം ദിവസം ലഞ്ചിനായി ടീമുകള് പിരിയുമ്പോള് തങ്ങളുടെ ഒന്നാം ഇന്നിംഗ്സിൽ കര്ണ്ണാടക 580/7 എന്ന നിലയിലാണ്.
പുറത്താകാതെ 144 റൺസുമായി ശ്രേയസ്സ് ഗോപാലിനൊപ്പം രവികുമാര് സമര്ത്ഥ്(82), മയാംഗ് അഗര്വാള്(83), ദേവ്ദത്ത് പടിക്കൽ(69), നികിന് ജോസ്(62) എന്നിവരാണ് കര്ണ്ണാടകയുടെ പ്രധാന സ്കോറര്മാര്.
നേരത്തെ 116 റൺസിന് ഉത്തരാഖണ്ഡിന്റെ ആദ്യ ദിവസം തന്നെ കര്ണ്ണാടക പുറത്താക്കിയിരുന്നു. ഇപ്പോള് 464 റൺസിന്റെ ഒന്നാം ഇന്നിംഗ്സ് ലീഡാണ് കര്ണ്ണാടകയുടെ കൈവശമുള്ളത്.