സൗത്താംപ്ടൻറെ ഉയിർത്തെഴുന്നേൽപ് തുടരുന്നു, പാലസിനോട് ആവേശ സമനില

സൗത്താംപ്ടൻ മികച്ച ഫോം തുടരുന്നു. ക്രിസ്റ്റൽ പാലസിനോട് ഇത്തവണ 1-1 ന്റെ സമനില ആണ് അവർ നേടിയത്. ഇത്തവണയും മിന്നും ഫോമിലുള്ള സ്‌ട്രൈക്കർ ഡാനി ഇങ്‌സ് ആണ് അവർക്ക് പോയിന്റ് സമ്മാനിച്ചത്.

ആദ്യ പകുതിയിൽ VAR ഒരു ഗോൾ തടഞ്ഞത് പാലസിന് തിരിച്ചടിയായി. മാക്‌സ് മേയർ ഗോൾ നേടിയപ്പോൾ സാഹ ഓഫ് സൈഡ് ആയതാണ് ഗോൾ നിഷേധികാൻ കാരണമായത്. പക്ഷെ രണ്ടാം പകുതിയിൽ 50 ആം മിനുട്ടിൽ ജെയിംസ് ടോംകിൻസ് പാലസിന് ലീഡ് സമ്മാനിച്ചെങ്കിലും മാർട്ടിൻ കെല്ലി വരുത്തിയ പിഴവ് മുതലാക്കി ഡാനി ഇങ്‌സ് സൗത്താംപ്ടന് സമനില സമ്മാനിച്ചു. നിലവിൽ 15 ആം സ്ഥാനത്ത് ആണ് സൈന്റ്‌സ്. പാലസ് ഒൻപതാം സ്ഥാനതാണ്.