മൂന്ന് ഗെയിം പോരാട്ടം, കിഡംബി സെമിയിൽ

കൊറിയ ഓപ്പൺ സെമി ഫൈനലില്‍ ഇടം പിടിച്ച് ഇന്ത്യയുടെ ശ്രീകാന്ത് കിഡംബി. കൊറിയയുടെ വാന്‍ഹോ സോണിനെ പരാജയപ്പെടുത്തിയാണ് ശ്രീകാന്തിന്റെ വിജയം. ആദ്യ ഗെയിമിൽ കിഡംബി അനായാസം വിജയിച്ചപ്പോള്‍ രണ്ടാം ഗെയിമിൽ സോൺ ശക്തമായ തിരിച്ചുവരവാണ് നടത്തിയത്.

എന്നാൽ മൂന്നാം ഗെയിമിൽ തന്റെ ആധിപത്യം മത്സരത്തിലുറപ്പിക്കുവാന്‍ കിഡംബിയ്ക്ക് സാധിച്ചപ്പോള്‍ 62 മിനുട്ടിൽ താരം സെമി സ്ഥാനം ഉറപ്പാക്കി.

സ്കോര്‍: 21-12, 18-21, 21-12.