റഗ്ബി വനിത സ്വർണം നേടി കരുത്ത് കാണിച്ചു ന്യൂസിലാൻഡ്
പുരുഷ വിഭാഗത്തിൽ തങ്ങളുടെ ഏറ്റവും വലിയ ശക്തിയായ റഗ്ബി സെവൻസിൽ സ്വർണം കൈവിട്ടതിന്റെ നിരാശ വനിതകളിലൂടെ മറികടന്നു ബ്ലാക് ക്യാപ്സ്. ഫ്രാൻസിനെതിരെ മികച്ച ആധിപത്യം കാണിച്ച ഫൈനലിൽ 26-12 എന്ന സ്കോറിന് ആണ് ന്യൂസിലാൻഡ് വനിതകൾ സ്വർണം ഉറപ്പിച്ചത്.
രണ്ടാം സ്ഥാനക്കാർ ആയെങ്കിലും കരുത്തരായ ന്യൂസിലാൻഡ് ടീമിനോട് പൊരുതി വെള്ളി നേടാൻ ആയതിൽ ഫ്രാൻസിന് വലിയ നേട്ടമായി. അതേസമയം പുരുഷ വിഭാഗത്തിൽ സ്വർണം നേടി ചരിത്രം ആവർത്തിച്ച ഫിജി ആദ്യമായി വനിത വിഭാഗത്തിലും മെഡൽ സ്വന്തമാക്കി. ബ്രിട്ടന് എതിരെ വലിയ ആധിപത്യത്തോടെ 21-12 നു ജയം കണ്ടാണ് ഫിജി വനിതകൾ വെങ്കലം സ്വന്തമാക്കിയത്.