ഗട്ടുസോ വലൻസിയ പരിശീലക സ്ഥാനത്ത് നിന്ന് പുറത്ത്

ഇറ്റാലിയൻ പരിശീലകനായ ഗട്ടുസോയെ സ്പാനിഷ് ക്ലബായ വലൻസിയ പരിശീലക സ്ഥാനത്ത് നിന്ന് പുറത്താക്കി. ഈ സീസണിലെ ദയനീയ പ്രകടനങ്ങൾ ആണ് ഗട്ടുസോയെ ക്ലബ് പുറത്താക്കാനുള്ള കാരണം. അവസാന ആറ് മത്സരങ്ങളിൽ ആകെ ഒരു വിജയം മാത്രമെ ഗട്ടുസോയുടെ വലൻസിയക്ക് സ്വന്തമാക്കാൻ ആയിട്ടുള്ളൂ. ലീഗിൽ പതിനാലാം സ്ഥാനത്ത് ഉള്ള വലൻസിയ അവരുടെ യൂറോപ്യൻ ലക്ഷ്യങ്ങളിൽ നിന്ന് ഏറെ അകലയാണ് ഇപ്പോൾ.

റിലഗേഷൻ സോണിൽ നിന്ന് ആകെ ഒരു പോയിന്റ് മാത്രം മുകളിലും. 2022 ജൂണിൽ ആയിരുന്നു ഗട്ടുസോ വലൻസിയയിൽ എത്തിയത്. അതിനു മുമ്പ് ഫിയൊറെന്റിന, നാപോളി, എ സി മിലാൻ എന്നീ ക്ലബുകളെയും ഇറ്റാലിയൻ ഇതിഹാസ താരം പരിശീലിപ്പിച്ചിട്ടുണ്ട്.