യുവതാരം തേജസ് കൃഷ്ണ കേരള ബ്ലാസ്റ്റേഴ്സ് വിട്ടു, ഇനി റൗണ്ട് ഗ്ലാസ് പഞ്ചാബിൽ

യുവ ഡിഫൻഡർ തേജസ് കൃഷ്ണ കേരള ബ്ലാസ്റ്റേഴ്സ് വിട്ടു. താരത്തെ ഐ എസ് എല്ലിലെ പുതിയ ക്ലബായ റൗണ്ട് ഗ്ലാസ് പഞ്ചാബ് എഫ് സി സ്വന്തമാക്കി. മൂന്ന് വർഷത്തെ കരാറിൽ തേജസ് ഒപ്പുവെച്ചതായാണ് വിവരങ്ങൾ. കഴിഞ്ഞ ജനുവരിയിൽ തേജസ് കൃഷ്ണയെ കേരള ബ്ലാസ്റ്റേഴ്സ് ഫസ്റ്റ് ടീമിലേക്ക് പ്രൊമോട്ട് ചെയ്തിരുന്നു. സെന്റർ ബാക്കായ തേജസ് വേഴ്സറ്റൈൽ താരമാണ്.

കളിച്ച വിവിധ ഏജ് കേറ്റഗറിയിലും കയ്യടി വാങ്ങിയിട്ടുള്ള തേജസ് മുമ്പ് ലൂക്ക സോക്കർ ക്ലബ്, ബാസ്കോ ഒതുക്കുങ്ങൽ, ഓസോൺ എഫ്‌സി ബെംഗളൂരു, പ്രോഡിജി സ്‌പോർട്‌സ് എന്നീ ക്ലബ്ബുകൾക്കായി കളിച്ചിട്ടുണ്ട്. ഗോൾ സ്‌കോറിംഗ് കഴിവുള്ള ഡിഫൻഡർ ആണ് തേജസ്.