അർഷ്ദീപ് സിങിനെ എഫ് സി ഗോവ സ്വന്തമാക്കി
ഒഡീഷ എഫ് സിയുടെ ഗോൾ കീപ്പറായിരുന്ന അർഷ്ദീപ് സിംഗിനെ എഫ് സി ഗോവ സ്വന്തമാക്കി. താരത്തിന്റെ സൈനിംഗ് എഫ് സി ഗോവ ഔദ്യോഗികമായി പ്രഖ്യാപിച്ചു.
2024വരെയുള്ള കരാർ ആണ് അർഷ്ദീപ് ഒപ്പുവെച്ചു. ഐ എസ് എല്ലിൽ ഇതുവരെ 31 മത്സരങ്ങൾ അർഷ്ദീപ് കളിച്ചിട്ടുണ്ട്. മിനേർവ പഞ്ചാബിലൂടെ വളർന്നു വന്ന താരമാണ് അർഷ്ദീപ് സിംഗ്. ഡെൽഹി ഡൈനാമോസിലൂടെ ആണ് ഐ എസ് എല്ലിൽ എത്തിയത്. പിന്നീട് ഒഡീഷ ആയപ്പോഴും ക്ലബിനൊപ്പം തുടർന്നു.
24കാരമായ അർഷ്ദീപ് സിംഗ് നാലു വർഷത്തോളം മിനേർവയിൽ ഉണ്ടായിരുന്നു. എ ഐ എഫ് എഫിന്റെ എലൈറ്റ് അക്കാദമിയിലൂടെ ആയിരുന്നു അർഷ്ദീപിന്റെ കരിയർ ആരംഭം. ഷില്ലോങ്ങ് ലജോങ്ങിനായും അർഷ്ദീപ് ഐലീഗ് കളിച്ചിട്ടുണ്ട്.