അഫ്ഗാനിസ്ഥാന്റെ ബൗളിംഗ് കോച്ചായി ഉമര് ഗുൽ
അഫ്ഗാനിസ്ഥാന്റെ കോച്ചിംഗ് സെറ്റപ്പിലേക്ക് മുന് പാക്കിസ്ഥാന് താരം എത്തുന്നു. ഉമര് ഗുൽ ആണ് ടീമിന്റെ ബൗളിംഗ് കോച്ചായി എത്തുന്നത്. സിംബാബ്വേയിലേക്കുള്ള ടീമിന്റെ പര്യടനത്തിനാവും പുതിയ ദൗത്യം ഗുൽ ഏറ്റെടുക്കുക. സിംബാബ്വേയിൽ ടീം മൂന്ന് വീതം ഏകദിനങ്ങളും ടി20 മത്സരങ്ങളുമാണ് കളിക്കുന്നത്.
ഏപ്രിലില് യുഎഇയിൽ നടന്ന പരിശീലന ക്യാമ്പിൽ കൺസള്ട്ടന്റായി ഗുൽ എത്തിയിരുന്നു. അതിന് ശേഷം ആണ് ദേശീയ ടീമിന്റെ കോച്ചായി താരത്തെ നിയമിച്ചത്.