ചാള്‍സ് ഇന്ന് നിന്റെ ദിവസമല്ല, എന്നാല്‍ നിന്റെ ഭാവി അത് അതുല്യമായിരിക്കും

ബഹ്റൈന്‍ ഗ്രാന്‍ഡ് പ്രീ വിജയിച്ച ശേഷം തനിക്ക് കടുത്ത വെല്ലുവിളി ഉയര്‍ത്തിയ ചാള്‍സ് ലെക്ലെര്‍ക്കിനോട് മത്സര ശേഷം ലൂയിസ് ഹാമിള്‍ട്ടണ്‍ പറഞ്ഞ വാക്കുകളാണിത് – “ചാള്‍സ് ഇന്ന് നിന്റെ ദിവസമല്ലായിരിക്കാം എന്നാല്‍ നിന്റെ ഭാവി അതുല്യമാണ്. നീ മികച്ച രീതിയിലാണ് റേസ് ചെയ്തത്”. തന്റെ കന്നി പോള്‍ പൊസിഷനില്‍ നിന്ന് റേസ് ആരംഭിച്ച ചാള്‍സ് എന്ന യുവ താരം മികച്ച രീതിയിലാണ് ബഹ്റൈന്‍ ഗ്രാന്‍ഡ് പ്രീ മുഴുവന്‍ റേസ് ചെയ്തത്.

എന്നാല്‍ 48ാം ലാപ്പില്‍ തന്റെ റേസ് കാറിന്റെ എഞ്ചിന്റെ പ്രശ്നങ്ങള്‍ കാരണം താരത്തെ മറികടക്കുവാന്‍ ലൂയിസ് ഹാമിള്‍ട്ടണ് സാധിക്കുകയായിരുന്നു. അതിനു ശേഷം റേസ് അവസാനിപ്പിക്കുമ്പോള്‍ മൂന്നാം സ്ഥാനം വരെ എത്തുവാന്‍ ചാള്‍സിനു സാധിച്ചു.