കേരള പ്രീമിയർ ലീഗ്; ഇഞ്ച്വറി ടൈം ഗോളിൽ കേരള യുണൈറ്റഡിന് സമനില

Picsart 22 11 24 19 09 10 899

കേരള പ്രീമിയർ ലീഗ് ഉദ്ഘാടന ദിവസം കോട്ടപ്പടിയിൽ നടന്ന മത്സരത്തിൽ കേരള യുണൈറ്റഡും സാറ്റ് തിരൂരും സമനിലയിൽ പിരിഞ്ഞി. ഇഞ്ച്വറി ടൈമിൽ നേടിയ ഗോളിന്റെ ബലത്തിൽ കേരള യുണൈറ്റഡ് ഇന്ന് 2-2ന്റെ സമനില നേടി. മത്സരത്തിൽ ആദ്യ പകുതിയുടെ അവസാനം ആണ് ആദ്യ ഗോൾ വന്നത്.ആദ്യ പകുതിയുടെ ഇഞ്ച്വറി ടൈമിൽ മധ്യനിര താരം ലാൽസമ്പുയിയ നേടിയ ഗോളിൽ കേരള യുണൈറ്റഡ് മുന്നിൽ എത്തി.

20221124 190815

രണ്ടാം പകുതി ആരംഭിച്ച് രണ്ടാം മിനുട്ടിൽ തന്നെ സാറ്റ് തിരൂരിന്റെ മറുപടി വന്നു. മുഹമ്മദ് നിഷാമിലൂടെ സമനില ഗോൾ. 77ആം മിനുട്ടിൽ തൻവീർ അഹമ്മദിലൂടെ സാറ്റ് ലീഡ് എടുക്കുകയും ചെയ്തു. സാറ്റ് വിജയത്തിലേക്ക് പോവുകയാണെന്ന് കരുതിയ അവസാന നിമിഷം യൂസിഫ് അഫുലിലൂടെ കേരള യുണൈറ്റഡ് സമനില കണ്ടെത്തി.