പ്രീമിയർ ലീഗിൽ തുടരാൻ ശ്രമിക്കുന്ന നോട്ടിംഗ്ഹാം ഫോറസ്റ്റ് ന്യൂകാസിൽ യുണൈറ്റഡ് മിഡ്ഫീൽഡർ ജോഞ്ചോ ഷെൽവിയെ സ്വന്തമാക്കുന്നു. പ്രീമിയർ ലീഗിൽ എത്തിയതിനു ശേഷമുള്ള് ഫോറസ്റ്റ് ക്ലബിന്റെ 25-ാമത്തെ സൈനിംഗായിരിക്കും ഷെൽവി. ന്യൂകാസിൽ നിലവിൽ ഒരു സെൻട്രൽ മിഡ്ഫീൽഡറെ പകരക്കാരനായി എത്തിക്കാൻ ശ്രമിക്കുന്നുണ്ട്.
2016-ൽ സ്വാൻസീ സിറ്റിയിൽ നിന്ന് ആയിരുന്നു ഷെൽവി ന്യൂകാസിലിൽ എത്തിയത്. ഇപ്പോഴത്തെ ന്യൂകാസിൽ ടീമിൽ ക്ലബിൽ ഏറ്റവും കൂടുതൽ കാലം സേവനമനുഷ്ഠിച്ച കളിക്കാരൻ ആണ് ഷെൽവി. ഇനി ക്ലബിൽ താരത്തിന് 6 മാസത്തെ കരാർ മാത്രമെ ബാക്കിയുള്ളൂ. ബ്രൂണോ ഗുയിമറസ് എത്തിയത് മുതൽ ഷെൽവി ആദ്യ ഇലവനിൽ എത്തുന്നത് കുറഞ്ഞിരുന്നു.
