ഗോകുലം കേരളയുടെ മുൻ പരിശീലകൻ അനീസെ ഇനി നേപ്പാൾ ദേശീയ ടീമിന്റെ പരിശീലകൻ. ഐ എസ് എല്ലിൽ നോർത്ത് ഈസ്റ്റ് യുണൈറ്റഡിന്റെ പരിശീലകൻ ആയി പ്രവർത്തിക്കുന്ന അനീസെയുടെ കരാർ ഈ മാസത്തോടെ അവസാനിക്കും. അതിനു ശേഷംകാകും അദ്ദേഹം നേപ്പാളിംറ്റെ ചുമതലയേൽക്കുക. ഈ സീസണിൽ പകുതുക്ക് വെച്ച് നോർത്ത് ഈസ്റ്റ് അവരുടെ നിലവിലെ പരിശീലകനായ മാർകോ ബുൽബുലിനെ പുറത്താക്കിയിരുന്നു. അപ്പോൾ ആയിരുന്നു അനീസെ പകരക്കാരനായി എത്തിയത്.
ഈ കഴിഞ്ഞ സീസൺ ഐ ലീഗിൽ ഗോകുലത്തെ ചാമ്പ്യന്മാരാക്കിയ ശേഷം അനീസെ ക്ലബ് വിട്ടിരുന്നു. ഇറ്റാലിയൻ പരിശീലകൻ വിൻസെൻസൊ ആൽബർട്ടോ അനീസെ 2020ൽ ആയിരുന്നു ഗോകുലം കേരളയിൽ എത്തിയത്. തുടർച്ചയായ രണ്ട് സീസണിൽ ഗോകുലത്തെ ഐ ലീഗ് ചാമ്പ്യന്മാരാക്കാൻ അനീസെക്ക് ആയി. ഗോകുലത്തെ എ എഫ് സി കപ്പിൽ പരിശീലിപ്പിക്കാനും യുവ പരിശീലകന് ആയിരുന്നു. ഐ ലീഗിൽ 21 മത്സരങ്ങളുടെ അപരാജിത കുതിപ്പ് നടത്തി റെക്കോർഡ് ഇടാനും അനീസെയുടെ കീഴിൽ ഗോകുലത്തിനായിരുന്നു.
