ചെന്നൈ എഫ്‌സി ഫോർവേഡ് റഹിം അലി ഇനി ഒഡീഷ എഫ് സിയിൽ. റഹീൽ അലിയും ഒഡീഷയും തമ്മിൽ കരാർ ധാരണയിൽ എത്തിയതായും അടുത്ത ദിവസം മെഡിക്കൽ പൂർത്തിയാക്കുൻ എന്നും പ്രമുഖ മാധ്യമപ്രവർത്തകൻ മാർക്കസ് റിപ്പോർട്ട് ചെയ്യുന്നു. ബംഗാളിൽ നിന്നുള്ള 24 വയസുകാരൻ 2018 മുതൽ ചെന്നൈയിന് ഒപ്പം ഉണ്ട്.
ഓൾ ഇന്ത്യ ഫുട്ബോൾ ഫെഡറേഷന്റെ (എഐ‌എഫ്‌എഫ്) എലൈറ്റ് അക്കാദമിയുടെ ഭാഗമായി വളർന്നു വന്ന റഹിം 2018 ൽ ഇന്ത്യൻ ആരോസിൽ നിന്നാണ് ചെന്നൈയിനിൽ ചേർന്നത്. ഫിഫ അണ്ടർ 17 ലോകകപ്പിൽ ഇന്ത്യൻ ടീമിനൊപ്പം ഉണ്ടായിരുന്നു. ചെന്നൈയിൻ ഐ‌എസ്‌എൽ ഫൈനലിലെത്തിയ 2019-20 ലെ സീസണിലാണ് റഹീം ചെന്നൈയിൽ അരങ്ങേറ്റം കുറിക്കുന്നത്. വിങ്ങറായും സ്ട്രക്കറായുമൊക്കെ കഴിഞ്ഞ സീസണുകളിൽ റഹീം ചെന്നൈയിനായി സജീവമായിരുന്നു.
Story Highlight: Striker Rahim Ali has moved to Odisha FC
