നിർണായകമായ ഇന്ത്യൻ സൂപ്പർ ലീഗ് (ഐഎസ്എൽ) മത്സരത്തിൽ, നോർത്ത് ഈസ്റ്റ് യുണൈറ്റഡിനെതിരെ പഞ്ചാബ് എഫ്സി 1-0 ന് വിജയിച്ചു. ഇന്ന് നടന്ന മത്സരത്തിൽ ഒരു പെനാൾട്ടിയിൽ ആയിരുന്നു പഞ്ചാബ് വിജയിച്ചത്. പഞ്ചാബ് എഫ്‌സിയുടെ ജോർദാൻ രണ്ടാം പകുതിയിൽ 65-ാം മിനിറ്റിൽ ആണ് പെനാൽറ്റി ഗോളാക്കി മാറ്റി തൻ്റെ ടീമിന് നിർണായകമായ മൂന്ന് പോയിൻ്റുകൾ നേടിക്കൊടുത്തത്‌.
ഈ വിജയം പഞ്ചാബ് എഫ്‌സിയുടെ പ്ലേഓഫ് മോഹങ്ങൾക്ക് ഊർജ്ജം നൽകുന്നു, ലീഗ് സ്റ്റാൻഡിംഗിൽ അവർ 20 പോയിന്റുമായി ഒമ്പതാം സ്ഥാനത്തേക്ക് ഉയർത്തുന്നു. ആറാമതുള്ള ബെംഗളൂരു എഫ് സിക്ക് ഒരു പോയിന്റ് മാത്രം പിറകിലാണ് പഞ്ചാബ് എഫ് സി.
ഈ തോൽവിയോടെ നോർത്ത് ഈസ്റ്റ് യുണൈറ്റഡ് ലീഗിൽ 20 പോയിന്റുമായി എട്ടാമത് തന്നെ നിൽക്കുകയാണ്.
