ഇന്ന് ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സ് മോഹൻ ബഗാനെ നേരിടുകയാണ്. മത്സരത്തിനായുള്ള ലൈനപ്പ് കേരള ബ്ലാസ്റ്റേഴ്സ് പ്രഖ്യാപിച്ചു. പരിക്കേറ്റ വിബിന്റെ അഭാവത്തിൽ അസ്ഹർ ഇന്ന് ആദ്യ ഇലവനിൽ ഇറങ്ങുന്നുണ്ട്. അത് മാത്രമാണ് ടീമിലെ ഏക മാറ്റം.
സച്ചിൻ ഗോൾ വലകാക്കുമ്പോൾ പ്രിതം, ലെസ്കോവിച്, മിലോസ്, നവോച എന്നിവർ ഡിഫൻസിൽ ഇറങ്ങുന്നു. അസ്ഹറും ഡാനിഷും ആണ് മധ്യനിരയിൽ. രാഹുൽ, ഐമൻ, പെപ്ര, ദിമി എന്നിവരും ഇറങ്ങുന്നു. ഇന്ന് ജയിച്ചാൽ ബ്ലാസ്റ്റേഴ്സിന് ലീഗിൽ ഒന്നാമത് എത്താം.
