കിംഗ്സ് കപ്പ് സെമി ഫൈനലിന്റെ ആദ്യ പകുതിയിൽ ഇന്ത്യയും ഇറാഖും ഒപ്പത്തിനൊപ്പം. തായ്ലാന്റിൽ നടക്കുന്ന മത്സരം ആദ്യ പകുതിക്ക് പിരിയുമ്പോൾ സ്കോർ 1-1 എന്ന നിലയിൽ നിൽക്കുകയാണ്‌. 17ആം മിനുട്ടിൽ ഇന്ത്യ ആണ് ലീഡ് എടുത്തത്. സഹൽ അബ്ദുൽ സമദ് നൽകിയ മനോഹരമായ പാസ് മികച്ച രീതിയിൽ മഹേഷ് സിംഗ് ഫിനിഷ് ചെയ്യുകയായിരുന്നു. ഈ ലീഡ് പക്ഷെ അധികനേരം നിന്നില്ല.
10 മിനുട്ടുകൾക്ക് അകം ഇറാഖ് തിരിച്ചടിച്ചു. ജിങ്കന്റെ ഒരു ഹാൻഡ്ബോളിന് കിട്ടിയ പെനാൾട്ടി ആണ് ഇറാഖിന് സഹായകരമായത്. ആ പെനാൾട്ടി അലി കരീം ലക്ഷ്യത്തിൽ എത്തിച്ചു. സ്കോർ 1-1. ആദ്യ പകുതിയിൽ കൂടുതൽ പന്ത് കൈവശം വെച്ചത് ഇറാഖ് ആയിരുന്നു. എങ്കിലും രണ്ടാം ഗോൾ നേടുന്നതിൽ നിന്ന് തടയാൻ ഇന്ത്യക്ക് ആയി.
രണ്ടാം പകുതിയിൽ വിജയ ഗോൾ നേടാൻ ആകും ഇന്ത്യ ശ്രമിക്കുക. മുൻ നിരയിൽ സുനിൽ ഛേത്രി ഇല്ലാത്തത് ഇന്ത്യയുടെ മുന്നേറ്റങ്ങളെ ബാധിക്കുന്നുണ്ട്.
