ഗോകുലം കേരള എഫ്‌സി ഇറാനിയൻ സ്‌ട്രൈക്കർ ഹജർ ദബ്ബാഗിയെ എഎഫ്‌സി വനിതാ ക്ലബ് ചാമ്പ്യൻഷിപ്പിന് മുന്നോടിയായി സൈൻ ചെയ്തു. ഇറാനിയൻ ക്ലബ് സെപഹാൻ എസ്ഫഹാനുമായുള്ള അഞ്ച് വർഷത്തെ മികച്ച സേവനത്തിന് ശേഷമാണ് താരം ഗോകുലം കേരള എഫ്‌സിയിൽ ചേരുന്നത്.
ഇറാനിയൻ ലീഗിൽ നൂറിൽ അധികം ഗോളുകൾ നേടിയ ദബ്ബാഗിയുടെ ആദ്യ വിദേശ ക്ലബ്ബാണ് ഗോകുലം. സെക്കൻഡ് സ്‌ട്രൈക്കർ, അറ്റാക്കിംഗ് മിഡ്‌ഫീൽഡർ എന്നീ റോളുകളിൽ മികവ് പുലർത്താനും ദബ്ബാഗിക്ക് കഴിയും.
ഇറാനിയൻ ദേശീയ ടീമിനായി മികച്ച പ്രകടനം കാഴ്ചവച്ച ദബ്ബാഗി തന്റെ 60 മത്സരങ്ങളിൽ നിന്ന് 24 അന്താരാഷ്ട്ര ഗോളുകളും നേടിയിട്ടുണ്ട്.
നവംബർ 6 മുതൽ തായ്‌ലൻഡിൽ നടക്കാനിരിക്കുന്ന എഎഫ്‌സി വനിതാ ക്ലബ് ചാമ്പ്യൻഷിപ്പിനായി ഗോകുലം കേരള എഫ്‌സി തയ്യാറെടുക്കുകയാണ്. ഘാനയിൽ നിന്നുള്ള മറ്റൊരു സ്‌ട്രൈക്കറായ വെറോണിക്ക അപ്പിയയെയും ഘാന ഗോൾകീപ്പറായ ബിയാട്രിസ് എൻറ്റിവയെ നിലനിർത്തിക്കൊണ്ട് ക്ലബ് ടീമിനെ ശക്തിപ്പെടുത്തിയിട്ടുണ്ട്.
എഎഫ്‌സി വിമൻസ് ക്ലബ് ചാമ്പ്യൻഷിപ്പിൽ, ഗോകുലം കേരള എഫ്‌സി അഞ്ച് തവണ ചൈനീസ് തായ്‌പേയ് വനിതാ ലീഗ് ചാമ്പ്യൻമാരായ ഹുവാലിയൻ വനിതകളും ജപ്പാനിലെ നദേശിക്കോ ലീഗിലെ നിലവിലെ ചാമ്പ്യൻമാരായ ഉറവ റെഡ് ഡയമണ്ട്സ് ലേഡീസും, കൂടാതെ, ബാങ്കോക്ക് എഫ്‌സി, എന്നീ ടീമുകൾക്ക് എതിരെ കളിക്കും.
എഎഫ്‌സി വിമൻസ് ക്ലബ് ചാമ്പ്യൻഷിപ്പിലും അതിനപ്പുറവും മികച്ച സ്വാധീനം ചെലുത്താൻ ഒരുങ്ങുന്ന അന്താരാഷ്ട്ര നിലവാരമുള്ള ഒരു ടീമിനെ കൂട്ടിച്ചേർക്കാനുള്ള ഗോകുലം കേരള എഫ്‌സിയുടെ പ്രതിബദ്ധതയ്ക്ക് അടിവരയിടുന്നതാണ് ഹാജർ ദബ്ബാഗിയുടെ ഏറ്റെടുക്കൽ.
