ലോകകപ്പ് കിരീടം എന്നത് തന്റെ കുട്ടിക്കാലം മുതൽ ഉള്ള ആഗ്രഹമായിരുന്നു എന്ന് ലയണൽ മെസ്സി. എന്റെ ജീവിതത്തിൽ എനിക്ക് എന്നും വേമണ്ടിയിരുന്ന കിരീടം ഇതായിരുന്നു എന്നും മെസ്സി ഇന്നലെ ലോകകപ്പ് കിരീടം ഉയർത്തിയ ശേഷം പറഞ്ഞു.
ഈ ലോകകപ്പ് എനിക് ദൈവം നൽകുമെന്ന് അറിയാമായിരുന്നു. ഈ കിരീടം മനോഹരമാണ്. ഈ മത്സരം എങ്ങനെ വിജയിച്ചു എന്നത് ഈ കിരീടം കുറച്ചു കൂടെ സ്പെഷ്യൽ ആക്കുന്നു. എനിക്ക് ഈ കിരീടം വേണമായിരുന്നു. എന്റെ കരിയർ ലോകകപ്പ് കൂടെ നേടിയ ശേഷമെ അവസാനിപ്പിക്കാവൂ എന്നായിരുന്നു ആഗ്രഹം. മെസ്സി പറഞ്ഞു.
ഇതിൽ കൂടുതൽ ദൈവത്തോട് ഒന്നും ചോദിക്കാൻ ആകില്ല. എല്ലാം എനിക്ക് നൽകി കഴിഞ്ഞു. മെസ്സി പറഞ്ഞു. ഈ ലോകകപ്പ് തന്റെ ചാൻസ് ആണെന്ന് തനിക്ക് അറിയാമായിരുന്നു എന്നും അദ്ദേഹം പറഞ്ഞു. താൻ അർജന്റീനക്ക് ഒപ്പം കളി തുടരും എന്നും മെസ്സി പറഞ്ഞു.
