യൂറോപ്യൻ ടീമുകൾ ‘വൺ ലവ്’ ആം ബാന്റ് അണിയുന്നത് മഞ്ഞ കാർഡ് നൽകും എന്നതടക്കമുള്ള കടുത്ത ഭീക്ഷണികൾ ഉയർത്തി തടഞ്ഞ ഫിഫയുടെ നടപടിക്ക് എതിരെ പ്രതിഷേധം ഉയർത്തിയ ജർമ്മൻ ടീമിന് പിന്തുണ അർപ്പിച്ചു ജർമ്മൻ ആഭ്യന്തര മന്ത്രിയും. ഗാലറിയിൽ ഇന്ന് ജർമ്മനി ജപ്പാൻ മത്സരത്തിൽ ഗാലറിയിൽ എത്തിയ അവർ ‘വൺ ലവ്’ ആം ബാന്റ് കയ്യിൽ അണിഞ്ഞിരുന്നു.
ജർമ്മൻ ആഭ്യന്തര മന്ത്രിയായ നാൻസി ഫയെസറിന്റെ നടപടി ജർമ്മൻ നയം വിളിച്ചു പറയുന്നത് ആയി. തന്റെ അടുത്ത് ഇരുന്ന അവരോടുള്ള നീരസം ഫിഫ പ്രസിഡന്റ് ജിയാനി ഇൻഫന്റിനോയുടെ മുഖത്ത് ഉണ്ടായിരുന്നു. സ്വവർഗ അനുരാഗത്തിനു എതിരെ കടുത്ത ശിക്ഷകൾ എടുക്കുന്ന ഖത്തറിന്റെ ഭീഷണിക്ക് വഴങ്ങിയാണ് ഫിഫ ഈ നടപടി എടുത്തത് എന്ന വിമർശനത്തിന് ഇടയിൽ ആണ് ജർമ്മൻ മന്ത്രിയുടെ പരസ്യ രാഷ്ട്രീയ പ്രഖ്യാപനം.
